arin JS
Home page Ad

यचु हेयर आयलं सँया दक्वं समस्या समाधान जुइगु दावी

Jheegu Sah – Jheegusah Reporter,    २०७९ श्रावण १०, मंगलबार    वर्गीकृत अर्थ

भुमि एमडिआर इन्डस्ट्रिजं सँ हाइगु, न्हूगु सँ मवइगुलिसें छ्यनय् त्वँ दाइगुलिसेंया समस्या ज्यंकीगु चिकं दयेकागु दावी याःगु दु । वंगु शनिबाः येँय् थःगु उत्पादन यचु हेयर आयलया औपचारिक घोषणा यासें कम्पनीं थथे दावी याःगु खः ।

येँ महानगरपालिकाया उपप्रमुख सुनिता डंगोलं भुमि इन्डस्ट्रिजया उत्पादन यचु हेयर आयलया औपचारिक घोषणा यानादिल ।

ज्याझ्वलय् न्ववासें कम्पनीया प्रवन्ध निर्देशक उज्वल मानन्धरं थःपिन्सं प्यताजि चिकं उत्पादन यायेत स्वयागु खःसां आःयात स्वताजि जक उत्पादन न्ह्याकागु धयादिल ।

न्हापांगु चरणय् सँ महाइगु, न्हूगु सँ वइगु व त्वँ दाइगु समस्याया नितिं स्वताजि चिकंया उत्पादन न्ह्याकागु धासें मानन्धरं सँयात प्राकृतिक रुपं हाकु दयेकीगु चिकंया परिक्षण जुयाच्वंगु जानकारी बियादिल ।

बौबाज्याया पालंनिसें यानावःगु सामाजिक अभ्यासया हे लिधंसाय् ३३ ताजि प्राकृतिक जडिबुटिलिसेंया सामग्री तयाः यचु हेयर आयल दयेकागु मानन्धरं धयादिल ।

थुगु चिकंया सफल परिक्षण नं जुइधुंकूगु व थुकिया परिणाम प्रमाणित नं जुइधुंकूगु वय्कःया दावी खः ।

येँ महानगरपालिकाया उपप्रमुख डंगोलं स्थानीय आदिवासी उत्पादनयात हे ब्रान्डिङ यानाः आर्थिक समृद्धिपाखे न्ह्याःवनेमाःगु धयादिल ।

मेपिन्सं प्रुफ यानाः एप्रुभ यानाबीमा धकाः पियाच्वनेगु स्वयां थःगु प्रमाणित आदिवासी उत्पादनयात बः बीत वय्कलं इनाप यानादिल ।

Detail page ad