arin JS
Home page Ad

स्वनिगः अटोया थीथी अफरलिसें इलेक्ट्रीक बाइक व स्कुटर

Jheegu Sah – Birajkaji Rajopadhyaya,    २०७९ भाद्र २०, सोमबार    वर्गीकृत अर्थ

स्वनिगः अटो प्रा.लिं उच्च गुणस्तरया इलेक्ट्रिक स्कुटी व बाइक दंगु भावय् बीगु दाबी याःगु दु । येँया महाराजगंज नारायण गोपाल चोकय् इलेक्ट्रीक स्कुटी लिसें बाइकया शोरुम शुभारम्भ याःगु  स्वनिग अटों थथे दावी याःगु खः ।

झीगु सःलिसे खँ ल्हासें स्वनिगः अटोया प्रमुख कार्यकारी अधिकृत विनय श्रेष्ठं थःपिन्सं उच्च गुणस्तरया भारतीय इलेक्ट्रीक स्कुटी व बाइक हयागु धयादिल । थुकिया परफमेन्स व क्वालिटीया ल्याखं थुकिया भाः नं यक्व मजूगु प्रमुख कार्यकारी अधिकृत श्रेष्ठया धापू दु ।

‘जिमिके भारतया प्योर कम्पनीलिसें ग्रिन फ्यूचर कम्पनीया इलेक्ट्रीक स्कुटी व बाइक दु । ग्रिन फ्यूचरया ट्र्याकसन स्कुटीइ ला ब्याक गियर तकं दु, स्कुटी व बाइकया क्वालिटीया ल्याखं थ्व बाइक तसकं दं’ अधिकृत श्रेष्ठं धयादिल ।

स्वनिगः इन्भेस्टमेन्ट ग्रुप अन्तर्गतया स्वनिगः अटो प्रा.लिं. महाराजगंजय् थःगु न्हापांगु शोरुमया शुरुवात याःगु खः । स्वनिगः इन्भेस्टमेन्टया बोर्ड नायः सुरेश प्रधानं रिबन चानाः शोरुमया विधिवत् उलेज्या यानाद्यूगु खः ।

आः थुगु शोरुमय् १५सःनिसें २२सः वाटतक्कया स्कुटी व बाइक उपलब्ध दु । उगु स्कुटी व बाइकया मू १ लाख ९९ हजारनिसें ३ लाख ९९ हजारतक्क दु । याकनं हे इलेक्ट्रिक साइकल नं हय्त्यनागु श्रेष्ठं जानकारी बियादिल ।

शोरुमया उलेज्याया लसताय् प्रत्येक खरीदय् ८ हजार तका क्यासब्याकया सुविधा नं ब्यूगु दु । लिसें सतिनाच्वंगु मोहनि व स्वन्ति नखःया लसताय् प्योर कम्पनीया हेलमेट, टिसर्ट, क्याप, कीचेन व विनचिटर उपहारया अफर नं तयातःगु दु । थ्व अफर वइगु अक्टोबर २६ तक लागू जुइ ।

पुलांगु पेट्रोलया बाइक वा स्कुटीलिसे एक्सचेन्जया सुविधालिसें पुलांगु साधनया रीसेल भावय् ८ हजार तका थप नं बीगु जूगु दु ।

थःपिन्सं फाइनान्सया सुविधा तकं बियाच्वनागु स्वनिगः इन्भेस्टमेन्टया शेयर होल्डर कजि दिपक तुलाधरं जानकारी बियादिल ।

याकनं हे कम्पनीया शाखात विस्तार यानावनेगु योजनाय् थःपिं दुगु व येँया पुलांगु बस्ती दुने शाखाया नितिं थाय् स्वयाच्वनागु तुलाधरया धापू दु । वयां लिपा येँया मेमेगु थाय् व ख्वपय् नं शाखा विस्तार यायेगु योजनाय् थःपिं दुगु तुलाधरं धयादिल ।

Detail page ad