arin JS
Home page Ad

सिंगिंग स्टार कासाया क्वाटर फाइनलिस्ट घोषणा

Jheegu Sah – Biraj,    २०७८ जेठ २३, आइतबार    वर्गीकृत मनोरञ्जन

संसार अनलाइन सिंगिंग स्टार धेंधें बल्लाः कासाया क्वाटर फाइनलिस्टया नां घोषणा जूगु दु ।

संसार क्रिएशन नेपालं ग्वसाः ग्वःगु कासाया क्वाटर फाइनलय् थ्यनेत ताःलाःपिं २६ कासामिया नां घोषणा जूगु खः । करीब ४सःम्हेसिनं ब्वति काःगु धेंधें बल्लाःया न्यागूगु चरणय् वयाः क्वाटर फाइनलिस्टत ल्यःगु खः ।

क्वाटर फाइनलिस्टया नां घोषणा जूगुलिसें ग्वसाः खलकं कासामितयत निवाः दुने मेगु म्ये हालाः उकिया भिडियो दुथ्याकेत धाःगु दु ।

क्वाटर फाइनल चरण न्ह्याःगु लच्छि लिपा सेमि फाइनलिस्टयाय नां घोषणा जुइगु संसार क्रिएशनया नायः स्वतन्त्र महर्जनं धयादिल ।

‘सेमिफाइनलं टप १० कासामि ल्ययेगु ज्या जुइ व लिपांम्ह १० कासामितयगु लाइभ पर्फमेन्सं हे त्याकामि ल्ययेगु जुइ’ महर्जनं जानकारी बियादिल ।

फाइनल कासाया मिति धाःसा कोभिड संक्रमणया अवस्था स्वयाः जक घोषणा यायेगु महर्जनया धापू खः ।

कासाय् त्याकामिलिसें फस्ट रनर अप व सेकेन्ड रनर अपयात सिरपाः कथं ट्रफि, मेडल, गिफ्ट ह्याम्परलिसें न्हूगु म्ये रेकर्ड अले म्यूजिक भिडियो तकं दयेकाबीगु जूगु दु ।

‘उकिया नापं मोफसलया न्ह्यइपूगु थासय् रिफ्रेसमेन्ट ट्रिट कथं चाःहिकेगु यंकेगु नं जुइ । दक्वं यानाः छम्हेसित लगभग ५ लख तका ज्वलिंज्वःया सिरपाः बीगु जुइ’ महर्जनं धयादिल ।

युट्युबय् दक्कले अप्वः भ्यूज र दक्कले शेयर जुइम्ह कासामियात नं ट्रफिलिसें पुरस्कृत याइगु जूगु दु ।

Detail page ad