arin JS
Home page Ad

संसार अनलाईन टक शोया २५ ब्व पूवन

Jheegu Sah – विजयरत्न असंबरे,    २०७८ बैशाख १०, शुक्रबार    वर्गीकृत मनोरञ्जन

संसार अनलाईन युट्युब च्यालनपाखें वाःपतिकं न्ह्यब्वया वयाच्वंगु ‘व्यक्तित्व म्हसिका’ टक शोया २५ ब्व पूवंगु दु । थ्व हे झ्वलय् ख्वनाय छगू ज्याझ्वः यासें थीथी कलाकारपिनिगु सम्मान याःगु दु ।

उगु हे ज्याझ्वलय् संसार क्रियसन नेपालं ग्वसाः ग्वःगु सिंगिंग स्टार धेंधें बल्लाःया टप २५ कासामि नं घोषणा याःगु खः ।

संसार अनलाईन युट्युब च्यानल कलाकार स्वतन्त्र संसार महर्जनं न्ह्याकावःगु खः । व हे युट्युब च्यानलपाखें सिंगिग स्टार धेंधें बल्लाःया नं ग्वसाः ग्वःगु खः । उगु हे धेंधें बल्लाःया टप २५ कासामिया घोषणा याःगु खः ।

ज्याझ्वलय् नवासें कलाकार महर्जनं थः शारीरिक रूपं न्यासि जुइमफुसां कला ख्यःया विकासय् जोश, जाँगर व इच्छाशक्ति भ्याः भचा नं म्ह्वः मजूगु धासें अझ सक्रिय जुयाः न्ह्याःवनेगु दृढता प्वंकादिल । कलाकार महर्जन स्पाइनल ट्यूमरया हुनिं वंगु स्वदँ न्ह्यःनिसें न्यासि जुइफुगु अवस्थाय् मदु ।

यल महानगरपालिका–२१ या वडाध्यक्ष रवीन्द्र महर्जनं भिंतुना अले लसहना देछासें कला ख्यःया विकासया लागिं फक्व ग्वाहालि यायेगु प्रतिवद्धता प्वंकादिल ।

नेपालभाषाया न्हापांम्ह सिने पत्रकार व म्यूजिक भिडियो निर्देशक विजयरत्न असंबरें कलाकःमि स्वतन्त्र ई कथं न्ह्याःवनेफुम्ह व्यक्तित्व खःगु धासें वयकःया सक्रियताया प्रशंसा यानादिल ।

नेवाःपत्रकार राष्ट्रिय दबूया मू छ्यान्जे सुनील महर्जनं महर्जनया सक्रियतां फरक क्षमता दुपिं मनूतयत स्वयेगु परम्परागत सामाजिक दृष्टिकोणयात फायेत ग्वाहालि ब्यूगु बिचाः तयादिल ।

Detail page ad