ayutahuti
Home page Ad

पुष्पराज शाक्यया नेपाली म्ये ‘यो मन मेरो मन’ पिदन

Jheegu Sah – विजयरत्न,    २०७८ बैशाख ११, शनिबार    वर्गीकृत मनोरञ्जन

नेपालभाषा ख्यलय् लोकंह्वाःम्ह म्येहालामि पुष्पराज शाक्यया खस नेपाली भायया म्ये ‘यो मन मेरो मन’ सार्वजनिक जूगु दु ।

यलय् जूगु छगू ज्याझ्वःया दथुइ पुष्पराजया म्ये वरिष्ठ सिने पत्रकार व नेपालभाषाया न्हापांम्ह म्युजिक भिडियो निर्देशक विजयरत्न असंबरें सार्वजनिक यानादिल ।

थःगु नुगः खँ तयेगु झ्वलय् असंबरें नेपालभाषाया संगीत ख्यलय् लोकंह्वाःम्ह पुष्पराज थुगु हे म्येपाखें नेपाःया संगीत ख्यलय् लोकंह्वाइगु आशा यानागु धयादिल ।

नेवाः पत्रकार राष्ट्रिय दबू नायःलिसें म्येहालामि सुरजबीर बज्राचार्य, निर्देशक सुरेन्द्र तुलाधरं म्येया थीथी पक्षयाबारे थःगु बिचाः तसें पुष्पराजया प्रगतिया कामना यानादिल । जीवनय् लुइगु थीथी अवस्थाया हुनिं मन अशान्त जूगुयात वाःचायेकाः थुगु म्ये दयेकागु म्येहालामि पुष्पराजं कनादिल ।

वाद्यवादक सिमरन महर्जन व आशिष बज्राचार्ययां अभिनय दुगु म्यूजिक भिडियोया छायाँकन, सम्पादन व निर्देशन अमर चित्रकारं यानादीगु खः ।

Detail page ad