arin JS
Home page Ad

स्वनिगलय् १६ गतेनिसें निषेधाज्ञा

Jheegu Sah – Biraj,    २०७८ बैशाख १३, सोमबार    वर्गीकृत राष्ट्रिय

नेपालय् अप्वयाच्वंगु कोरोना संक्रमणयात नियन्त्रणय् कायेत स्वनिगःया स्वंगू जिल्लाय् निषेधाज्ञा तइगु जूगु दु । स्वनिगःया ३ नगर येँ, यल व ख्वपय् वइगु वैशाख १६ गतेनिसें निषेधाज्ञा तइगु जूगु खः ।

स्वनिगःया स्वंगुलिं जिल्लाया प्रमुख जिल्ला अधिकारीतय् थौं च्वंगु बैठकं स्वनिगलय् निषेधाज्ञा तयेगु निर्णय याःगु खः ।

निषेधाज्ञाय् धाःसा लकडाउनय् थें दक्वं सेवात बन्द याइमखु । निषेधाज्ञा जारी जुइधुंकाः वैशाख १६ गतेनिसें स्वनिगलय् अत्यावश्यकबाहेकया सेवा बन्द जुइ ।

एम्बुलेन्स, शव वाहन, दमकल लिसेंया अत्यावश्यक सेवाया सवारी लिसें कुटनीतिक नियोग, प्रेस लगायतया सवारी ज्वलं न्ह्याइसा सार्वजनिकयालिसें निजी सवारीसाधन तकं न्ह्याके दइमखु । सरकारी ज्याकूत बन्द जुइ ।

नसा ज्वलं, तरकारी, दुरुलिसेंया दैनिक उपभोग्य ज्वलंया लागिं बजार चाली । अथे हे, रेष्टुरेन्टं होम डेलिभरी जक यायेदइ । पार्टी प्यालेस, सिनेमा हल थ्वयां न्ह्यः हे बन्द जुइधुंकूगु दु ।

बैंक अले वित्तीय संस्था बच्छि जनशक्ति तयाः न्ह्याकेदइ ।

Detail page ad