arin JS
Home page Ad

कामपाया प्रमुख प्रशासकिय अधिकृतय् पौड्यालपाखें पदबहालि

Jheegu Sah – Birajkaji Rajopadhyaya,    २०७८ पौष ११, आइतबार    वर्गीकृत समाज

येँ महानगरपालिकाया प्रमुख प्रशासकीय अधिकृत पदय् थौं लोकनाथ पौड्यालं बहाली यानादीगु दु ।

पुस ७ गतेया संघीय मामिला तथा सामान्य प्रशासन मन्त्रालयया निर्णय कथं पौड्याल प्रमुख प्रशासकीय अधिकृतय् नियुक्त जूगु खः । थ्व हे निर्णय कथं राजेश्वर ज्ञवाली संघीय मामिला तथा सामान्य प्रशासन मन्त्रालयय् सरुवा जूगु दु ।

पदबहाली धुंकाः चीहाकलं प्रतिक्रिया ब्युसें प्रमुख प्रशासकीय अधिकृत पौड्यालं भौतिक व वित्तिय साधन अले सूचना सञ्चारया संयोजन यानाः कानूनसम्मत सेवा इलय् हे कायेदइगु नागरिक अधिकार सुनिश्चत यायेमाःगु धयादिल ।

प्रशासन विभागया प्रमुख महेश काफ्लें पौड्यालयात लसकुस यासें स्थानीय सेवा व स्थानीय प्रशासनय् प्रमुख प्रशासकीय अधिकृत पौड्यालया अनुभवं येँ महानगरया सार्वजनिक छवि च्वन्ह्याकेत ग्वहालि जुइगु अपेक्षा प्वंकादिल ।

२०५३ सालय् शाखा अधिकृतं सेवाय् दुहांझाःम्ह पौड्याल २०६१ सालय् उपसचिव व २०७० सालय् सहसचिव जूगु खः ।

वय्कलं स्थानीय विकास अधिकारी, प्रमुख जिल्ला अधिकारी, नगरपालिकाय् कार्यकारी अधिकृत, प्रदेश मन्त्रालयया सचिव लिसें थीथी पदय् च्वनाः ज्या यानादीगु दु ।

Detail page ad