arin JS
Home page Ad

मोहनिया स्वांलिसें जेष्ठ नागरिकया सम्मान

Jheegu Sah – Birajkaji Rajopadhyaya,    २०७८ कार्तिक २, मंगलबार    वर्गीकृत समाज

नखलं कुबियाच्वंगु सामाजिक सद्भावया पक्षयात पुस्तान्तरण यायेत धासें येँ महानगरपालिका ३ वडां थौं सामुहिक स्वां कायेगु व जेष्ठ नागरिक सम्मान ज्याझ्वः याःगु दु ।

ज्याझ्वलय् महानगर प्रमुख विद्यासुन्दर शाक्यलिसें पूर्व उपप्रधानमन्त्री ईश्वर पोखरेल व वडाध्यक्ष दीपक केसीं जेष्ठ नागरिकतयत दोसल्ला न्ययेकेगुलिसें रुद्राक्षया माः क्वखायेकाबियाः सम्मान यानादीगु खः ।

सम्मान यायेधुंकाः वयकःपिन्सं जेष्ठ नागरिक च्वनाच्वंथाय् वनाः मोहनिया सिन्हः तीगु लिसें स्वां कयादीगु खः । व झ्वलय् पूर्व उपप्रधानमन्त्री पोखरेलं मोहनि नखलं दक्वं भाषाभाषी व जातजातियात सामाजिक सद्भावया सुत्रय् चिनातःगु बिचाः तयादिल ।

‘जातजाति व भाषाभाषीतय् दथुइ थवंथवय् दुःखसुख र सौहाद्र्रता थकायेत मोहनि नखलं तःधंगु भूमिका म्हितूगु दु, वडां न्ह्याकूगु थुगु ज्या च्वछायेबहःजू’ पोखरेलया धापू खः ।

महानगर प्रमुख शाक्यं जेष्ठ नागरिकया सहज जीवनया लागिं येँ महानगरपालिकां महानगर विशेष भत्ताया व्यवस्था यायेगु लिसें हरेक वडाय् जेष्ठ नागरिक मनोरञ्जन केन्द्र, जेष्ठ नागरिकमैत्री पार्क दयेकाच्वनागु जानकारी बियादिल ।

वडाध्यक्ष केसीं मोहनिया सिन्हःयात समावेशी दयेकेत स्वयागु धासें दँयदसं मोहनिइ वडाय् दुपिं जेष्ठ नागरिकयापाखें सामुहिक रुपं सुवाः कायेगु चलन न्ह्याकागु धयादिल ।

ज्याझ्वलय् ६५ जेष्ठ नागरिकयात सम्मान याःगु खः ।

Detail page ad