arin JS
Home page Ad

मातृभाषा शिक्षाविद् तुलाधरयात मातृशोक

Jheegu Sah – Birajkaji Rajopadhyaya,    २०७८ पौष २३, शुक्रबार    वर्गीकृत समाज

मातृभाषा शिक्षाविद्लिसें नेवाः बस्ती नेवाः स्कूल अभियानया संयोजक दिपक तुलाधरया मां हेराशोभा तुलाधर मन्त ।

वय्कः ९४ दँया बैंशय् म्हिगः बहनिइ मदुगु खः । मदुम्हेसिया अन्त्येष्टि थौं शोभा भगवतीया न्ह्यःने कर्णदीपय् क्वचाःगु दु । मदुम्हेसित चीधिकःम्ह काय् दिपक तुलाधरं मि तयादीगु खः ।

वंगु आइतबाः तिनि १०म्ह गुरुजुपिन्त पंजरां बियाः वयकःया ९४ दँया बुदिं हंगु खः ।

मदुम्ह तुलाधरयात उसाँय् सम्वन्धि खास छुं हे समस्या धाःसा मदुगु तर उमेरया हे कारणं वय्कःया निधन जूगु खँ काय् दिपक तुलाधरं कनादिल । लच्छि ति न्ह्यः पिसाब सम्वन्धि इन्फेक्सनया समस्या खनेदुगु खःसां उगु समस्या लने नं धुंकूगु वयकलं धयादिल ।

मदुम्ह तुलाधरया स्वम्ह काय् व निम्ह म्ह्यायपिं दी । शिक्षाविद् दिपक तुलाधर वयकःया चीधिकःम्ह काय् खः ।

Detail page ad