arin JS
Home page Ad

कर मपूपिनिगु कार्यस्थलय् हे माइकिङ

Jheegu Sah – Birajkaji Rajopadhyaya,    २०७८ श्रावण १३, बुधबार    वर्गीकृत समाज

महानगरयात छेँबुँ व सम्पत्ति कर मपूपिं २० चःधंगु करदाताया कार्यस्थलय् हे राजस्व विभागं थौंनिसें माइकिङ् न्ह्याकूगु दु ।

माइकिङलिसें क्वःज्यूगु इलय् कर पूमवःसा व धुंकाः छेँ, पसः व व्यवसायलय् शिलबन्दी यायेगु व बाँकी सरह राजस्व असुली यायेगु सम्बन्धी सूचना तिकाथकूगु दु ।

राजस्व अधिकृत प्रदीप कोइरालाया नेतृत्वय् नगर प्रहरीलिसें वंगु टोलीं थौं वडा ११ या एन.आर.टी. क्लव व युनाइटेड वर्ल्ड ट्रेड सेन्टर, वडा १२ या बागमती चेम्बर व बुद्धबारी कम्प्लेक्स व वडा १३ या काठमाडौँ इञ्जिनियरिङ् कलेज व नेपाल रेडक्रस सोसाइटीइ माइकिङ् यानाः सूचना टाँस याःगु खः ।

थ्वयां न्ह्यः कर मपूपिं करदातातयत स्वापू तयेत यक्व हे कुतः, इनाप यानागु तर, विवरणतक नं ब्यू मवःगु राजस्व विभागया प्रमुख डा. शिवराज अधिकारीं धयादिल ।

न्हापांथु चरणय् नां सार्वजनिक जूपिं २० करदातामध्ये आःतक्क एन.आर.टी. क्लव, काठमाडौँ इञ्जिनियरिङ् कलेज व वडा ४ या देवेन्द्र श्रेष्ठ स्वापुतिइ वःगु प्रमुख अधिकारीं जानकारी बियादिल ।

‘मेपिन्सं स्वापू तक नं मतःनि तर, जिमिसं करीव ७० करोड तका स्वयां अप्वः राजस्व मुंकेु अनुमान यानागु दु’ अधिकारीया धापू खः ।

महानगरयात करया विवरणतक नं मब्यूपिं मेपिं करदाताय् वडा १४ या आदर कम्प्लेक्स, कृषि सामाग्री संस्थान व एल.आर.आइ स्कूल, वडा १५ या मनमोहन मेमोरियल कलेज एण्ड शिक्षण अस्पताल, वडा ३ या कान्तिपुर डेन्टल अस्पताल व चिरायु अस्पताल व वडा ४ या देवेन्द्र श्रेष्ठ लाःगु दु ।

अथे हे, वडा २२ या आरबी कम्प्लेक्स, वडा २४ या सुरज आर्केट, वडा २९ या शुभश्री कोअपरेटिभ लिमिटेड, वडा २८ या काठमाडौँ प्लाजा व नेपाल शेयर मार्केट व वडा ३० का गोपालजी प्रपर्टिज प्रा. लि. अले स्टार मल नं दुगु विभागं न्ह्यथंगु दु ।

थुपिं करदातातयत कर पुलेत ब्यूगु म्याद साउन १५ गते फुइत्यंगु दु ।

Detail page ad