arin JS
Home page Ad

मदनकृष्णया म्यूजिक भिडियो सार्वजनिक

Jheegu Sah – Biraj,    २०७८ जेठ १९, बुधबार    वर्गीकृत मनोरञ्जन

ख्यालि जुजु मदनकृष्ण श्रेष्ठं हालादीगु म्ये ‘नेपाः जिगु प्राण खः’ या म्यूजिक भिडियो सार्वजनिक जूगु दु ।

हाइलाइट्स नेपालया युट्युब च्यानलपाखें म्यूजिक भिडियो सार्वजनिक जूगु खः ।

म्यूजिक भिडियोलय् ख्यालिजुजु मदनकृष्ण थम्हं हे अभिनय नं यानादीगु दु ।

नांजाःम्ह निर्देशक सुरेन्द्र तुलाधरं निर्देशन यानादीगु म्यूजिक भिडियोलय् ख्वप दरवार स्क्वाएरलिसेंया स्वनिगःया ऐतिहासिक सम्पदा अले नेपाःया प्राकृतिक सम्पदा क्यनातःगु दु । उकिया नापं नेवाः वसतय् हुलाप्याखं लिसें लाखे व कुमारी प्याखं नं क्यनातःगु दु ।

अभिनय व निर्देशनया प्रतिभा बांलाक न्ह्यब्वयादीधुंकूम्ह निर्देशक सुरेन्द्रं दक्कले न्हापां थुगु म्येया भिडियोलय् कोरीयोग्राफी नं यानादीगु दु ।

रामकृष्ण जुजुं नं थुकी अभिनय यानादीगु दुसा कुमारी प्याखं मैयाँ महर्जन व लाखय् प्याखं सुजन बज्राचार्यं न्ह्यब्वयादीगु दु ।

क्यामेरा व भिज्युअल एडिटिङया ज्या अमर चित्रकारं यानादीगु दु । सुरेन्द्र अमरं च्वयादीगु म्येयात सन्तोष श्रेष्ठं लसय् हनादीगु दु ।

वंगु सोमबाः रिलिज जूगु म्येय् बुधबाः न्हिनयतक्क ६ हजार ७ सय भ्यूज पुलेधुंकल ।

Detail page ad