arin JS
Home page Ad

बुंगद्यःया रथयात्रा प्रतीकात्मक रुपं याइगु

Jheegu Sah – Jheegusah Reporter,    २०७८ बैशाख २९, बुधबार    वर्गीकृत तजिलजि

नेपालया हे ताःहाकःगु रथजात्राया रुपं काइगु बुंगद्यःया रथयात्रा थुगुसी प्रतीकात्मक रुपं क्वचायेकीगु जूगु दु । बुंगःद्यःया रथयात वइगु जेठ १ गते प्रतीकात्मक रुपं सालाः रथयात्रा क्वचायेकीगु खः ।

थौं च्वंगु सरोकारवालाया मुँज्यां कोरोना महामारीयात मध्यनजर यासें म्ह्वः ल्याखय् जक उपस्थित जुयाः स्वास्थ्य सुरक्षाया मापदण्डयात लिनाः प्रतीकात्मक रुपं जेठ १ गते रथ सालेगु निर्णय जूगु खः ।

यलया सहायक प्रमुख जिल्ला अधिकारी ललितकुमार बस्नेतं कोभिड–१९ संक्रमणया अप्वयाच्वंगु जोखिमयात बिचाः यासें थज्याःगु निर्णय जूगु जानकारी बियादिल ।

जिल्ला सुरक्षा समितिया मुँज्यां जनस्वास्थ्य मापदण्डया अनिवाय पालना यासें सुरक्षा घेरा दुने रथयात्रायात अनुशासित व मर्यादित रुपं क्वचायेकेत दक्वं सुरक्षा निकायं समन्वयात्मक ज्या यायेगु निर्णय जूगु नं जानकारी ब्यूगु दु ।

थगुने बुंगद्यःया रथयात्राय् ताः ई अन्यौल जूबलय् जूगु विवादं उग्र रुप काःबलय् झडप तकं जूगु खः ।

Detail page ad