arin JS
Home page Ad

दिल्लीइ लकडाउन छवाः थप

Jheegu Sah – Biraj,    २०७८ जेठ २, आइतबार    वर्गीकृत अन्तर्राष्ट्रिय

भारतया दिल्लीइ लकडाउन छवाः थप जूगु दु । दिल्लीया मुख्यमन्त्री अरविन्द केजरीवालं कोरोना संक्रमणया चेन त्वाःथलेत धासें लकडाउन छवाः तनेत निर्देशन ब्यूगु भारतीय संचारमाध्यमं न्ह्यथंगु दु ।

कन्हय् १७ मे कुन्हु क्वचायेत्यंगु लकडाउन आः वइगु सोमबाः सुथय् ६ ताः ईतक्क कायम जुइ ।

दिल्लीइ लकडाउनया बांलाःगु लिच्वः खनेदयाच्वंगु केजरीवालं दावी याःगु दु ।

‘२६ अप्रिल धुंकाः संक्रमणया न्हूगु केस म्ह्वः जूगु खनेदुसा वंगु निन्हु प्यन्हुइ संक्रमणया दर नं कुहांवयाच्वंगु खनेदु’ केजरीवालं धाःगु दु ।

वंगु २४ घौ दुने दिल्लीइ संक्रमणया साढे ५ हजार न्हूगु केस खनेदुगु व संक्रमणया दर नं शनिबाःनिसें एक प्रतिशत कुहांवयाः १० प्रतिशतय् वःगु भारतीय संचारमाध्यमं धाःगु दु ।

स्वास्थ्य पूर्वाधार व संसाधनयात बल्लाकेत लकडाउनया सदुपयोग यानागु केजरीवालया दावी दु ।

थ्व हे दथुइ, मुख्यमन्त्री केजरीवां भ्याक्सिन मगाःगु खँय् ध्यानाकर्षण याकुसें केन्द्र सरकारयात पौ च्वयादीगु दु ।

Detail page ad