arin JS
Home page Ad

यलय् कुमारी पूजा यात

Jheegu Sah – Jheegusah Reporter,    २०७८ आश्विन २४, आइतबार    वर्गीकृत तजिलजि

यलय् राजोपाध्याय समाजं कुमारी पूजा ज्याझ्वः याःगु दु ।

मोहनि नखःया अवसर लाकाः समाजया यल जिल्ला समितिं यल लायकुलिइ कुमारी पूजा ज्याझ्वःया ग्वसाः ग्वःगु खः । गणेश व भैरव तकं तयाः ३०म्ह मिसा मचातयत मुंकाः समाजं वैदीक लिसें कौलिक विधि कथं नं कुमारी पूजा याःगु खः ।

तन्त्रोक्त विधियात बिचाः यानाः २७ कन्या कुमारीलिसें गणेश, कुमार व भैरव छम्ह छम्ह नं तयाः ३० मचात मुंकाः कुमारी पूजा यानागु समितिया कजि विजय शर्मा राजोपाध्यायं जानकारी बियादिल ।

नेपाःया मौलिक परम्परा, तजिलजिया संरक्षणया नितिं समाजं थीथी गतिविधि न्ह्याकावयागुलिइ व हे झ्वलय् कुमारी पूजाया नं ग्वसाः ग्वयागु समाजया केन्द्रीय नायः संजय शर्मा राजोपाध्यायं धयादिल ।

नेवाः समाजय् १० दँ स्वयां क्वय्यापिं मिसा मचातय्त प्रत्यक्ष कुमारीया रुपय् कयाः पूजा यायेगु चलन दु ।

Detail page ad