arin JS
Home page Ad

लकडाउनया इलय् म्युजिक सिंगिंग स्टार कासा

Jheegu Sah – Bijay Ratna,    २०७८ जेठ २२, शनिबार    वर्गीकृत मनोरञ्जन

लकडाउनया ईयात सदुपयोग यासें थःगु साँगितिक प्रतिभा क्यनेगु ह्वःताःकथं म्ये कासा जुइगु जूगु दु ।

ज्योति म्युजिकया ग्वसालय् ज्योति सिंगिंग स्टार कन्टेस्टया नामं छगू सांगितिक कासा जुइत्यंगु खः । नेपालभाषा व खस नेपाली भाषाया बिस्कं बिस्कं धेंधें बल्लाः जुइगु ग्वसाः खलकं न्ह्यथंगु दु ।

कासाय् ब्वति कायेगु निंतिं वंगु बछलागा पारु (जेष्ठ १३ गते) निसें म्ये दुकायेगु ज्या न्ह्यायेधुंकल । कासा स्वंगू वा प्यंगु चरणय् जुइगु ग्वसाः खलःया दुजः अमोघवीर बज्राचार्यं जानकारी बियादीगु दु ।

कासाया दक्वं सुचं ज्योति म्युजिकया अफिसियल फेसबुक व इन्स्टाग्रामया पेजय् अपलोड जुइगु खँ नं ग्वसाखलकं जानकारी ब्यूगु दु । झिंस्वदं च्वययापिन्सं ब्वति कायेदइगु धाःगु थुगु कासाय अनुभवी निर्णायकपाखें त्याकामिया ल्यज्या जुइगु धाःगु दु ।

कासाय् ब्वति कायेत ज्योति म्युजिकया पेज व युट्युब च्यानल अनिवार्य रुपं लाइक, फलो व सब्सक्राइब यायेमाःगु नियम नं तयातःगु दु ।

कासाय् न्हाप, ल्यू व लियांल्यू लाःपिन्त सोलो म्ये रेकर्ड यानाबीगु खँ दुसा टप ६ कासामिपिं फुक्कसिगु हे म्येया म्युजिक भिडियो नं ज्योति म्युजिकपाखें निर्माण यानाबीगु धाःगु दु ।

वइगु बछलागा आमै (जेठ २७ गते) दुने म्ये दुतिनेत ग्वसाः खलकं धाःगु दु । 

Detail page ad