arin JS
Home page Ad

सामाजिक सञ्जालय् प्रतिबन्धित ट्रम्पं न्ह्याकल थःगु हे वेबसाइट

Jheegu Sah – Aakash Rajopadhyaya,    २०७८ बैशाख २२, बुधबार    वर्गीकृत अन्तर्राष्ट्रिय

फेसबुक, ट्वीटरलिसेंया सामाजिक संजालय् प्रतिवन्धित पूर्व अमेरिकी राष्ट्रपति डोनाल्ड ट्रम्पं थःगु हे वेबसाइट न्ह्याकूगु दु । थःगु सुचं संचार यायेत पूर्व राष्ट्रपति ट्रम्पं डोनाल्डजेट्रम्प.कम वेबसाइट न्ह्याकूगु खः ।

वेबसाइटय् ट्रम्पया किपा, भिडियो व वयकःया हसनात तयातःगु दु । लिसें ट्रम्पं वेबसाइटय् छुं न्हूगु पोष्ट यानाकथं नोटिफिकेसन वइगु यानाः साइन इन अप्सन नं तयातःगु दु ।

अथे हे, ट्रम्पं अन याइगु पोष्ट फेसबुक व ट्वीटरय् सेयर नं यायेजीकातःगु दु । तर पोष्टय् कमेन्ट यायेगु सुविधा धाःसा ब्यूगु मदु ।

मंगलबाःनिसें न्ह्याःगु वेबसाइटबारे सामाजिक सञ्जाल प्रयोगकर्ता दथुइ यक्व चर्चा जुयाच्वंगु दु । आपाःसिनं ट्रम्पयात ब्लगरया रूपं सामाजिक सञ्जालय् लिहांवःगु धासें हिस्याःगु नं दु ।

अथे हे, ट्रम्पया बरिष्ठ सल्लाहकार जेसोन मिलरं थुगु वेबसाइट सामाजिक सञ्जाल मखूगु व पूर्वराष्ट्रपति ट्रम्पया न्हापांगु कार्यकालया महत्वपूर्ण ज्या व लिपांगु वक्तव्य उपलब्ध जुइगु स्रोत धासें ट्विट याःगु दु ।

वंगु जनवरी ६ कुन्हु डेमोक्र्याटिक उम्मेदवार जो बाइडेन विजयी जूगु घोषणा यायेत च्वंगु कांग्रेसया संयुक्त बैठकय् ट्रम्पया समर्थकतयसं हिंसात्मक आक्रमण याःगु खः । व धुंकाः हिंसायात उक्से याइगु पोस्ट याःगु द्वपनय् ट्वीटर, फेसबुकलिसें मेमेगु सामाजिक सञ्जाल कम्पनीं ट्रम्पया अकाउन्ट निलम्बित यानाब्यूगु खः ।

Detail page ad