arin JS
Home page Ad

न्यूरोडय् फोर नाइन बागलुङ ज्वेलर्सया औपचारिक शुभारम्भ

Jheegu Sah – Biraj,    २०७९ बैशाख १, बिहिबार    वर्गीकृत अर्थ

नेपाःया राजधानी येँया मुख्य व्यापारिक केन्द्र न्यूरोडय् फोर नाइन बागलुङ ज्वेलर्सया औपचारिक शुभारम्भ जूगु दु । थौं न्हूदँया लसता लाकाः न्यूरोडया महर्जन कम्प्लेक्सय् फोर नाइन बागलुङ ज्वेलर्सया औपचारिक उलेज्या याःगु खः।

फोर नाइन बागलुङ ज्वेलर्सया प्रोप्राइटर अमिर सुनारया अबुजुलिसें चितवन नारायणगढस्थित बागलुङ ज्वेलर्सया प्रोप्राइटर टिकाराम सुनारं रिवन चानाः पसःया उलेज्या यानादिल । थौं सुथय् पसलय् विधिवत् पूजा क्वचायेकाः रिवन चानाः पसःया उलेज्या याःगु खः।

छुं  ई न्ह्यः हे पसःया सेवा न्ह्यायेधुंकूगु खःसां औपचारिक उलेज्या मजूनिगु खः। थौं न्हूदँया भिंगु दिं लाकाः पसःया औपचारिक उलेज्या याःगु खः ।

शुद्धता जिमिगु प्रतिवद्धता नारा बियातःगु पसय् तिसालिसें लुँया मेमेगु सामग्री न्यायेबलय् २४ क्यारेटया शुद्ध लुँ दइगु दावी याःगु दु ।

करीब १० दँ न्ह्यः चितवनय बागलुङ ज्वेलसं नामं पसः चायकाः व्यवसाय न्ह्याकूम्ह अमीर बिचाः यानाकथं ज्या मजुइवं कतार वंगु खः ।

कतारय् १६ ला सेक्युरिटी गार्डया ज्या यानाः नेपाः लिहां वयेधुंकाः बागलुङ ज्वेलर्सयात नं न्हूगु ढङ्गं न्ह्याकादीगु खःसा लिपा हाकनं चितवनय् हे फोर नाइन बागलुङ ज्वेलर्सया नामं मेगु तिसा पसः नं चायेकादीगु खः ।

आः येँय् थःगु व्यवसाय विस्तार यायेगु झ्वलय् न्यूरोडय् नं पसः न्ह्याकागु अमीरया धापू खः ।

‘विदेशय् सयेकागु, सीकागु ज्ञान सीप आः देशय् छ्यले, देशय् लजगाःया लकस ब्वलंकेगुलिसें देयया नितिं छुं याये धइगु बिचाः दु’ अमीरया धापू खः ।

पसःया शुभारम्भया लसताय् तिसा दयेकेगु ज्यालाय् ५० प्रतिशत छुटया सुविधा ब्यूगु दु । थ्व छुटया सुविधा वइगु वैसाख १५ गतेतक्क दइगु प्रोप्राइटर अमीरं धयादिल ।

Detail page ad