arin JS
Home page Ad

न्हूपिं संक्रमितमध्ये ५०.८२ प्रतिशत स्वनिगलय्

Jheegu Sah – Bikash,    २०७८ बैशाख २१, मंगलबार    वर्गीकृत राष्ट्रिय

नेपालय् लिपांगु खुसी तँसा ७ हजार ६६० म्हेसिके कोभिड १९ या संक्रमण पुष्टि जूगु दु । ५७१ एन्टिजेन व १६ हजार १३१ आरटी पिसिआर यानाः मुक्कं १६ हजार ७०२ स्वाब नमूनाया परिक्षण याःगुलिइ ७ हजार ६६० म्हेसिके संक्रमण खनेदुगु खः ।

परिक्षण ल्याःया तुलनाय् थ्व ४५.८६ प्रतिशत खः ।

न्हूपिं संक्रमितमध्ये ९ दँतक्कया १७४ म्ह दुसा १० निसें १९ दँ पुचःया ४५२ म्ह दु ।

थ्वलिसें नेपालय् कोरोना भाइरसं संक्रमित जूपिनिगु मुक्कं ल्याः ३ लाख ५१ हजार ५ थ्यंगु दु ।

थप जूपिं न्हूपिं संक्रमितमध्ये ३ हजार ८९३ म्ह स्वनिगःयापिं दु । येँय् २ हजार ७७९ न्हूपिं संक्रमित खनेदत सा यलय् ६०१ व ख्वपय् ५१३ दु ।

स्वनिगलय् दुपिं सक्रिय संक्रमितमध्ये १ हजार २१७ म्ह थीथी संस्थागत आइसोलेसनय् वासः याकाच्वंगु दुसा उपिंमध्ये १९४ म्ह आइसीयू व ७७ म्ह भेन्टिलेटरय् दु ।

लिपांगु २४ घौ दुने १ हजार ७७५ संक्रमितयात संक्रमण लंगु नं दु । आःतक्क २ लाख ८७ हजार ७९० संक्रमितं भाइरसयात बुकाः लनेधुंकूगु दु ।

लिपांगु खुसी तँसा ५५ संक्रमित सीगु दु । कोभिड संक्रमणया हुनिं आःतक्क ३ हजार ४१७ संक्रमितया ज्यान वनेधुंकल ।

थीथी संस्थागत व होम आइसोलेसनये ५९ हजार ७९८ सक्रिय संक्रमित वासः याकाच्वंगु दु ।

Detail page ad