arin JS
Home page Ad

स्वनिगलय् ८६० संक्रमित थप, २४७ यात लन

Jheegu Sah – Bikash,    २०७८ श्रावण १४, बिहिबार    वर्गीकृत समाज

वंगु २४ घौ दुने देयन्यंकनं कोभिड १९ संक्रमण पुष्टि जूपिं न्हूपिं संक्रमितमध्ये २५ दशमलव ५५ प्रतिशत स्वनिगलय् नं लुयावःगु दु ।

लिपांगु खुसी देयन्यंक ३ हजार ३६५म्ह कोभिड १९ या न्हूपिं संक्रमित थप जूगुलिइ उपिंमध्ये स्वनिगलय् ८६०म्ह दु । येँय् ५९७, यलय् १५५ व ख्वपय् १०८म्ह न्हूपिं संक्रमित लूगु खः ।

स्वनिगलय् थौंतकलय् २ लाख ८० हजार ५३४म्ह कोरोना भाईरसं संक्रमित जुइधुंकल ।

उपिंमध्ये संक्रमण लंपिनिगु दर धाःसा ९५ दशमलव ५९ प्रतिशत दु । मुक्कं संक्रमितमध्ये २ लाख ६९ हजार १६३म्ह संक्रमित संक्रमणं मुक्त जुइत ताःलायेधुंकूगु दु । लिपांगु २४ घौ दुने स्वनिगलय् कोभिड संक्रमण लंपिनिगु ल्याः २४७ जक दु ।

येँय् व ख्वपय् २/२ निम्ह यानाः स्वनिगलय् थप प्यम्ह संक्रमित मन्त । स्वनिगलय् थौंतकया दुने २ हजार ९३०म्हेसिया कोभिड संक्रमणया हुनिं ज्यान वनेधुंकल ।

स्वास्थ्य तथा जनसंख्या मन्त्रालयं थौं अद्यावधिक याःगु तथ्याङ्क कथं स्वनिगलय् आः ८ हजार ४४१म्ह सक्रिय संक्रमित वासः याकाच्वंगु दु ।

स्वनिगःया थीथी संस्थागत आइसोलेसनय् वासः याकाच्वंपिं सक्रिय संक्रमितमध्ये ७१७म्ह जनरल/एचडियू वार्डय् दुसा आइसीयूलय् दुपिं १८२म्हमध्ये ६८म्ह भेन्टिलेटरय् दु ।

Detail page ad