arin JS
Home page Ad

स्वनिगलय् ६९७ न्हूपिं संक्रमित लुल

Jheegu Sah – Bikash,    २०७८ श्रावण ६, बुधबार    वर्गीकृत समाज

लिपांगु २४ घौ दुने देयन्यंकनं लूपिं कोभिड १९ या न्हूपिं संक्रमितमध्ये २४ दशमलव ५५ प्रतिशत स्वनिगलय् दु ।

देयन्यंकनं कोभिड १९ या २ हजार ८३८म्ह न्हूपिं संक्रमित लूबलय् वमध्ये ६९७म्ह स्वनिगः दुने लूगु दु । येँय् ४९०, यलय् १२८ व ख्वपय् ७९म्ह न्हूपिं संक्रमित लूगु खः ।

थ्वलिसें स्वनिगलय् कोरोना भाईरसं संक्रमित जूपिनिगु ल्याः २ लाख ७४ हजार ४३९ थ्यंगु दु ।

उपिंमध्ये ९६ दशमलव १९ प्रतिशत संक्रमितं कोरोना भाईरसयात बुकाः संक्रमणमुक्त जुइधुंकूगु दु । थौंतकया हुने स्वनिगलय् कोभिड १९ संक्रमण लंपिनिगु ल्याः २ लाख ६३ हजार ९९५म्ह थ्यंगु दु । वंगु २४ घौ दुने ३८१म्ह संक्रमित संक्रमण लंकाः डिस्चार्ज जूगु दु ।

आः स्वनिगःया ३ जिल्लालिसें देयया १०गू जिल्लाय् ५सः स्वयां अप्वः सक्रिय संक्रमित दु । स्वनिगलय् ७ हजार २४४म्ह सक्रिय संक्रमित दु ।

थीथी संस्थागत आइसोलेसनय् वासः याकाच्वंपिं संक्रमितमध्ये ५३४म्ह जनरल/एचडियू वार्डय् दुसा आइसीयूलय् वासः याकाच्वंपिं १७८म्हमध्ये ७४म्ह भेन्टिलेटरय् दु ।

वंगु २४ घौ दुने स्वनिगलय् १३ संक्रमित सीगु दु । येँय् व ख्वपय् ५/५ अले यलय् ३ संक्रमित सीगु खः । स्वनिगलय् कोभिड १९ संक्रमणया हुनिं २ हजार ९सःम्हेसिया ज्यान वनेधुंकल ।

Detail page ad