arin JS
Home page Ad

स्वनिगलय् १ हजार २२६ संक्रमित थप

Jheegu Sah – Bikash,    २०७८ जेठ २५, मंगलबार    वर्गीकृत समाज

लिपांगु खुसी देयन्यंकनं कोभिड १९ या ५ हजार १५३ न्हूपिं संक्रमित लूगु दु । उपिंमध्ये १ हजार २२६ स्वनिगः दुने लूगु दु ।

येँय् ८३६, यलय् २६९ व ख्वपय् १२१ दु । स्वनिगलय् आःतक्क २ लाख ५२ हजार ३३३ म्हेसित कोभिड संक्रमण जुइधुंकल ।

आः स्वनिगः दुने १९ हजार ३७८ सक्रिय संक्रमित वासः याकाच्वंगु दु । थीथी संस्थागत आइसोलेसनय् वासः याकाच्वंपिंमध्ये जनरल/एचडियू वार्डय् १ हजार २०८ दुसा आइसीयूलय् दुपिं ४०१ मध्ये १७२ म्हेसित भेन्टिलेटरय् तयातःगु दु ।

लिपांगु खुसी स्वनिगः दुनं २ हजार १३९ संक्रमित संक्रमणमुक्त जुयाः डिस्चार्ज जूगु दु । आःतक्क २ लाख ३० हजार ३८६ संक्रमितयात संक्रमण लनेधुंकल । स्वनिगलय् संक्रमण लंपिनिगु दर ९१ दशमलव ३० प्रतिशत दु ।

स्वनिगलय् थप ३० संक्रमित मन्त । लिपांगु खुसी येँय् १७, यलय् १० व ख्वपय् ३ संक्रमित मदुगु खः । थौंतक्कया दुने स्वनिगलय् २ हजार ५६९ म्हेसिया कोभिड संक्रमणया हुनिं ज्यान वनेधुंकल ।

Detail page ad