arin JS
Home page Ad

स्वनिगलय् १ हजार ४५६ संक्रमित थप

Jheegu Sah – Bikash,    २०७८ जेठ १९, बुधबार    वर्गीकृत राजनीति

लिपांगु २४ घौ दुने देयन्यंकनं थप जूपिं कोभिड १९ या न्हूपिं संक्रमितमध्ये २७.३८ प्रतिशत स्वनिगलय् दु ।

देयन्यंकनं ५ हजार ३१६ म्हेसिके संक्रमण पुष्टि जूबलय् स्वनिगलय् १ हजार ४५६ न्हूपिं संक्रमित लूगु खः । येँय् ९६९, यलय् ३०६ व ख्वपयप् १८१ न्हूपिं संक्रमित खनेदुगु खः । स्वनिगलय् आःतक्क २ लाख ४४ हजार ४८३ म्हेसित कोभिड १९संक्रमण जुइधुंकूगु दु ।

उपिंमध्ये आःतक्क २ लख १७ हजार ४२० संक्रमितयात संक्रमण लनेधुंकूगु दु । स्वनिगलय् कोभिड संक्रमण लंपिनिगु दर ८८ दशमलव ९३ प्रतिशत दु । स्वनिगलय् लिपांगु खुसी २ हजार ४४ संक्रमितं कोरोना भाईरसयात बुकाः संक्रमण लंकेत ताःलाःगु दु ।

आः स्वनिगलय् २४ हजार ६४६ सक्रिय संक्रमित दु । उपिंमध्ये १ हजार ४१९ जनरल/एचडियूलय् दुसा आइसीयूलय् दुपिं ४०९ मध्ये १५९ म्हेसित भेन्टिलेटरय् तयाः वासः यानाच्वंगु दु ।

स्वनिगलय् थप १९ संक्रमित मन्त । येँय् ११, यलय् ७ व ख्वपय् छम्ह संक्रमित मदुगु खः । स्वनिगलय् आःतक्क २ हजार ४१७ म्हेसिया कोभिड संक्रमणया हुनिं ज्यान वनेधुंकल ।

Detail page ad