arin JS
Home page Ad

येँ मपा १८ वडाय् जसपापाखें चन्द्रया उम्मेदवारी

Jheegu Sah – Jheegusah Reporter,    २०७९ बैशाख १२, सोमबार    वर्गीकृत समाज

स्थानीय निर्वाचनया झ्वलय् येँ महानगरपालिका वडा १८य् वडाध्यक्ष पदया लागिं किलागःयाम्ह चन्द्र महर्जनं उम्मेदवारी बीगु जूगु दु ।

येँ मपा १८ वडाया अध्यक्ष पदया लागिं जनता समाजवादी पार्टी (जसपा) नेपालं स्थानीय अभियानकर्मी महर्जनयात चुनावी ख्यलय् क्वकायेत्यंगु खः ।

येँ मपा १८ वडाया अध्यक्षया प्रत्याशी महर्जन स्टार क्लबया नायः तकं खःसा लकडाउनया इलय् फुटपाथ पसः हटाउ अभियानय् २सः न्हुं मयाक्क खटेजूगु खः ।

थौंकन्हय् वय्कः स्वच्छ जागरुक युवा समाज नांया सामाजिक संस्थामार्फत नं सामाजिक गतिविधिइ सक्रिय दु ।

झीगु सःलिसेया खँल्हाबल्हाय् महर्जनं थम्हं महानगरपालिका १८ वडा दुनेया सकतां अवस्थालिसें समस्या दक्वं बांलाक थूगुलिं माःकथं ज्या यानाः वडाया विकास यायेफुगु दावी यानादिल ।

‘वडाया विकासया लागिं छु गुकथंया ज्या यायेमाः, जिं बांलाक थू । जि वडाध्यक्ष जुयाः वलधाःसा वडाया ख्वाः हे हिलाबीगु योजना जिके दु, अय् जुयाः जिं उम्मेदवारी बी त्यनागु खः’ महर्जनया धापू खः ।

थः वडाध्यक्ष जुयाः वयाकथं दक्कले न्हापां थनया फुटपाथ पसःया व्यवस्थापन, अव्यवस्थित तार व्यवस्थित यायेगु, धः, त्वनेगु लःया व्यवस्थापनया ज्या याना हे छ्वयेगु वयकलं धयादिल ।

येँ मपा १८ वडा सांस्कृतिक रुपं तःमि वडा जूगुलिं थनया मूर्त, अमूर्त सम्पदाया संरक्षण सम्वर्ध्दन यासें पर्यटकिय हबया रुपय् विकास यायेगु व वडाबासीतयत आर्थिक रुपं थकायेत नं थम्हं ज्या यायेगु महर्जनया योजना दु ।

वडाया आर्थिक, सामाजिक विकासया लागिं आवश्यकताया आधारय् मेमेगु वडा वा स्थानीय तहलिसे नं सहकार्य यायेगु महर्जनं धयादिल ।

Detail page ad