arin JS
Home page Ad

थः हे जहानयात स्याःम्ह मिजं ज्वन

Jheegu Sah – Crime Bureau,    २०७८ बैशाख १५, बुधबार    वर्गीकृत अपराध

दाङय् थः हे जहानयात स्यानाब्यूगु द्वपनय् छम्ह मिजंयात ज्वंगु दु ।

तुलसीपुर उपमहानगरपालिका–७ श्रीगैयाम्ह २६ दँया पदम पोख्रेलयात थः हे जहान २६ दँया बिपना रेग्मी पोख्रेलया स्याःगु द्वपनय् मंगलबाः बहनी प्रहरीं ज्वंगु खः ।

घरायसी ल्वापुइ पदमं थः जहानयात छ्यनय् ल्वहँतं छ्यानाः स्यानाब्यूगु धाःगु दु ।

घटनाय् गम्भीर घाःपाः जूम्ह बिपनायात वासः यायेत प्रादेशिक अस्पताल तुलसीपुर यंकेगु झ्वलय् लँय् हे मदुगु प्रहरीं धाःगु दु ।

घटनाया खबर वयेधुंकाः ईलाका प्रहरी ज्याकू तुलसीपुरं खटे जूगु प्रहरी टोलीं पदमयात ज्वंगु खः । घटनाया सम्बन्धय् थप अनुसन्धान यानाच्वनागु प्रहरीं धाःगु दु ।

Detail page ad