arin JS
Home page Ad

महानगरपालिकां थनिनिसें वृक्षारोपण न्ह्याकल

Jheegu Sah – Bijay Ratna ,    २०७८ श्रावण २, शनिबार    वर्गीकृत समाज

थौं येँ महानगरपालिका वातावरण विभागया ग्वसालय् बर्खाया इलय् सारे याये बले याकनं सरे जुइगुलिं चाँप जातया सिमा पिया येँ देय् दुने वृक्षारोपण न्ह्याकुगु दु । थ्व जातया सिमा सरे याये अपुइगुृलि) याना पियागु खः मेयर विद्या सुन्दर शाक्यं   धाःगु दु । सिमा पिइ बले शहर सफा व वाँउसे च्वना बाँलाइगु जुउगुलिं थज्यागु योजना  तसकं महत्त्वं जा धका  धयादिलसा  आःतक सम्पन्न जुउगु ज्याया बारय् मेयर शाक्यं बःचाहाकलं थःगु प्रतिक्रिया बियादीसे, ह्यूपाः यक्को वये धुंकुगु दु तर अझ नं ज्या यायेगु यक्व दनि धका धयादिल ।
 सार्वजनिक जग्गा संरक्षण याना हरियाली अप्वयेकेगु  नीति दुगु खँ कनादिसें नीति कथं सार्वजनिक निकाय व समुदाय नाप मंका कुतलय् सिमा पिइगु ज्या याना च्वनागु दु धका धयादिल । चिमाःगु सिमा हुर्के यायेत थाकुगुलि म्हतिं नं न्यागु  फिट स्वया तमाःगु सिमा पिइगु मापदण्ड दयेका हे  ज्या यानाच्वंनागु  दु धका नं वयकलं धयादिल ।   महानगरं थीथी वडा नाप जाना थुगु बर्खाय् निद्वः व न्यासः स्वयां अप्वः सिमा पिइगु योजना दु धका नं वयकलं धयादिल।
Detail page ad