arin JS
Home page Ad

पल्पसा डंगोेल अस्पतालय् भर्ना

Jheegu Sah – Bijay Ratna ,    २०७८ श्रावण २, शनिबार    वर्गीकृत मनोरञ्जन

नेपाःया फिल्मख्यलय् चम्सुरी धका नांजाम्ह अले  नेपालभासा संकिपाः ख्यःया नं लोकंह्वाम्ह कलाकार एवं नेपाः न्यंक हे लाेकं ह्वाःम्ह कलाकार पल्पसा डंगाेलयात जँलास्येँ समस्या वयाः अस्पताल भर्ना याना वासः याका तःगु दु ।पल्पसा डंगाेलया तःधिम्ह म्ह्याय् लुनिभाः डंगाेलं जानकारी बिउ कथं पल्पसा डंगाेलया किड्नी सम्बन्धी ल्वय् न्हापां निसें जुयाःच्वंगु व खान पानय् तसकं हे ध्यान तयाच्वंगु खः । तर नं आकाझाकां किड्नी समस्याः वया अस्पताल हे भर्ना याये माःगु सीदु ।आः वय्कयात टिचिंग अस्पतालय्  ३०५ नम्बरया बेडय् भर्ना याना वासःयानातःगु जानकारी नं ब्यूगु खःसा डाय्लासिस् यानाच्वंगु खबर नं लुनिभाः डंगाेलं ब्यूगु दु । पल्पसा डंगाेल ताः इ न्ह्यः निसें मनाेरंजन क्षेत्रय् संलग्न जुयाच्वंनादीगु खःसा  वयकलं काठमाडौं - ए मिरर इन द स्काइ नांयागु स्पेनीस फिल्म व मसान नांयागु चर्चित खस नेपाली फिल्म नं म्हितादीगु दु अले ब्याहा यानागु लच्छि मदुनि नांयागु नेवाः फिल्म निर्माण व निर्देशन नं यानादीगु दुसाः वयकया  बुद्धकालीन एतिहासिक सँकिपा घाेषक पिदनेत तयार जुइधुंकुगु दु । वय्कया उसाँय् याकनं ताःलाना वयेमा धका कामना याना ।

Detail page ad