arin JS
Home page Ad

थीथी कलाकार व सेलिब्रिटी स्वये दइगु म्ये नेपाःमि झी

Jheegu Sah – Bijay ,    २०७८ श्रावण ६, बुधबार    वर्गीकृत मनोरञ्जन

नेपालभाषाया संगीतख्यलय् थौंकन्हे आपालं न्हून्हूगु म्ये पिदना च्वंगु दु । अथे पिहाँ वःगु म्येया म्युजिक भिडियो दयेके ज्या नं  उतिकं हे जुया च्वंगु दु । थ्वहे झ्वलय् नांजाम्ह साहित्यकार  महेश मान लंजुवा भाजुं च्वया दीगु छपू न्हुगु म्ये  पिदने त्यंगु दु ।  स्रजल महर्जन , आशिष् डंगोल,, यजु सिल्पकार व कुन्जनि महर्जनया स:लय रेकर्ड जुउगु
नेवा:रास्ट्र भावं जाःगु "  नेपा:मि झी " रेकर्डिङ क्व:चाये धुंकुगु दु । नांजाम्ह संगीतकार नील शाक्यं लसय् हनादीगु थ्व म्येया  मिक्सिङ्ग  रेकर्डिस्त फिरोज बज्राचार्य  , एरेन्जर भुपेन्द्र बज्राचार्यं यानादीगु खः ।
 
थ्व म्येया याकनं हे म्युजिक भिडियो निर्माणया ज्या न्हयाय त्यंगु दु । म्युजिक भिडियो दयेकेया निंतिं थ्व ख्यलय् नांजाम्ह निर्देशक रामकृष्ण खडगीयात भाला बिइ धुंकुगु दु । थुके नेवाः ख्यलय् नांजापिं थीथी ख्यःया सेलिब्रिटी या नापनापं  आपालं  नेवाः कलाकारतयत नं अभिनय याकेगु ग्वसाः जुया च्वंगु खँ थ्व म्येया संगीतकार नील शाक्यं कनादिल । लुमंके बहजु कि नेपालभाषाया दकले न्हापांगु म्युजिक भिडियो नं संगीतकःमि शाक्यया "लुमंका च्वना छन्त जिं"  म्येया म्युजिक भिडियो खः ।
Detail page ad