arin JS
Home page Ad

थिमिइ नेपालभाषा अनिवार्य ब्वंकेमाःगु माग

Jheegu Sah – Bijay Ratna ,    २०७८ आषाढ १, मंगलबार    वर्गीकृत समाज

मध्यपुर थिमि नगरपालिका दुने अनिवार्य रुपं नेपालभाषा ब्वंकेमाःगु माग यासे अनया मेयर मदन सुन्दर श्रेष्ठयात ध्यानाकर्षण पौ लःल्हाःगु दु ।

विद्यालयस्तरया स्थानिय मातृभाषा (नेपालभाषा) या विषय अनिवार्य ब्वंकेमाःगु माग यासें थिमिया भाषाप्रेमी व शिक्षासेवीपिन्सं सोमवाः ध्यानाकर्षण पौं लल्हाःगु खः।

वंगु निदँ न्ह्यः निसें थीथी निकायलय् वनाः ध्यानाकर्षण याना वषा च्वंगु जुसां आः तक सुनुवाइ मजुगुलिं शिक्षा समितिया पदेन नायः लिसें नगर प्रमुख श्रेष्ठयात लिखित ध्यानाकर्षण पौं लःल्हानागु नेपालभाषा संरक्षण अभियानया संयोजक कृष्णकाजी मानन्धरं कनादिल ।

उगु ध्यानाकर्षण पौं लःल्हाना कासें मेयर श्रेष्ठं वइगु असार ७ गते न्ह्याइगु मध्यपुर थिमिया नगर परिषदय् स्थानिय मातृभाषा (नेपालभाषा) या विषय अनिवार्य ब्वंकेगु खँया प्रस्ताव तय्गु प्रतिबद्धता प्वंकादिल । उगु प्रस्ताव लिपा बजेट विनियोजन यायेगु लिसें थीथी अभियान न्ह्याकेगु बिचाः प्वंकदिगु खः ।

उगु ध्यानाकर्षण पौ लल्हाय्त नेपालभाषा संरक्षण अभियानया संयोजक कृष्णकाजी मानन्धर नापनापं, दुजःपिं नविन प्रकाश श्रेष्ठ, ईश्वरलाल श्रेष्ठ, सुरेन्द्र किलंनः श्रेष्ठ, ओम कृष्ण श्रेष्ठ, जीवन पति श्रेष्ठपिं नं झायादीगु खः ।

येँ महानगरपालिकाय् दकलय् न्हापां येँया फुक्क स्कुलय् लागू जुइगु कथं छगू तगिं निसें च्यागू तगिं तक स्थानिय बिषय कथं थुगुसिया शैक्षिकसत्रय् बैशाख निसें ब्वके धुंकूगु दुसा आः असारं न्ह्याइगु न्हूगु सत्रय् नं नेपालभाषा शिक्षण नियमित रुपं न्ह्याइगु जूगु दु ।

Detail page ad