arin JS
Home page Ad

कलाकारिताया शिखर व्यक्तित्व नेपाली फिल्मया न्हापांम्ह भिलेन उत्तम नेपाली मन्त

Jheegu Sah – Bijay ,    २०७८ श्रावण ६, बुधबार    वर्गीकृत मनोरञ्जन

 वरिष्ठ चित्रकार, कलाकार,साहित्यकार , नेपाली आधुनिक चित्रकलाया शिखर व्यक्तित्व उत्तम नेपाली मन्त। ८४ दँया नेपाली थाैं सुथय् ४ः३० पाखें येँय्या त्रिविवि शिक्षण अस्पतालय् मदुगु खँ परिवारिक सुत्रं कंगु दु।
मदुम्ह विशिष्ट कलाकःमि नेपालीयाबारे आपालं खँ पिहाँ वया च्वंसां वयक नेपाली फिल्मया न्हापांम्ह भिलेन धका उलि खँ पिहाँ वया च्वंगु मदु । 
 वयकलं वि सं २०२२ सालया असोज १५ गते पिदंगु आमा फिल्मय् मभिं मनू यानिकी भिलेन जुया म्हितातःगु दु । थ्व ल्याखं उत्तम नेपाली नेपाली फिल्मख्यःया दकले न्हापांम्ह भिलेन खः धका धायेमा ।
छुं दँ न्हय् अमेरिका भ्रमणया झ्वलय् हृदयघात जुसेलिं  लगातार अस्वस्थ जुयाच्वनादिम्ह नेपालीयात लिपांगु इलय् सीओपीडी नांया स्वँ (फोक्सो) या समस्या जूगु खः।
वय्कया अन्तिम संस्कार थाैं हे यायेगु धकाः परिवारं धागु दु।
Detail page ad