arin JS
Home page Ad

भाषासेवी चक्रमान डंगोलयात लुमंकल

Jheegu Sah – Bijay Ratna ,    २०७८ श्रावण २, शनिबार    वर्गीकृत समाज

भाषासेवी समाजसेवी चक्रमान डंगोल मदुगु खुदँ दूगुया वार्षिक तिथी लाका वयकयात लुमंकेगु ज्या जूगु दु । वयक रेडियो उपत्यका एफ एमया संंस्थापक अध्यक्ष खःसा वन्दे नारायण परिवार क्लबया नं न्ह्यलुवाः खः । उगु ज्याझ्वः  समाजसेवाः व भाषासेवाय् थःगु जीवन पानादीम्ह चक्रमान डंगोलयात लुमंकुसे न्ह्याकुगु खःसा ज्याझ्वः युगवाणी नेटवर्कया कजि पुपराज पराजुलीया सभानायःसुई जूगु खः ।

ज्याझ्वलय् सन्तकुमार महर्जनं लसकुस न्वचु तयेगु झ्वलय् मदुम्ह डंगोलया गुण लुमंका दिलसा मदुम्ह डंगोलया किपाय् पाहाँपिन्सं श्रदान्जली कथं स्वाँमा व खादागा देछागु खः । अथेहेतु पलखः मौन धारण नं यागु खः । मदुम्ह चक्रमान डंगोलयात लुमंकेगु झ्वलय् नेपाल पत्रकार संघया नायः विपुल पोखरेल , युगवाणी नेटवर्कया कार्यकारी सल्लाहकार कृष्ण के सि व कार्यकारी निर्देशक सुरेश आचार्यया नापनापं मदुम्ह डंगोल जहान मयजु लक्ष्मी डंगोल पिन्सं नं चक्रमान डंगोलयात लुमंकुसे श्रद्धान्जली देछानादीगु खःसा लुमन्ति ज्याझ्वः सन्चारकःमि प्रज्वल शाक्यं न्ह्याकादीगु खः । 

 

Detail page ad