arin JS
Home page Ad

प्यम्हेसित नइ सिरपाः बीगु

Jheegu Sah – Jheegusah Reporter,    २०७८ बैशाख १३, सोमबार    वर्गीकृत साहित्य

नइ प्रकाशनं भाषा साहित्य ख्यलय् योगदान ब्यूपिं प्यम्हेसित २०७७ सालया नइ सिरपाः बीगु घोषणा याःगु दु ।

नेपाली भाषा साहित्यया नियात्रापरक निबन्धया ख्यलय् विशिष्ट सिर्जनात्मक योगदान ब्यूगु धासें घनश्याम राजकर्णिकारयात ‘नइ देरुनीख प्रदीप्ति सिरपाः’ बीगु जूगु दु । सिरपाःया राशी ६० द्वः तका दु ।

अथे हे राजधानी पिने च्वनाः नेपाली भाषा साहित्ययात च्वन्ह्याकेत योगदान ब्यूगु धासें झापाया भवानी क्षेत्रीयात ’नइ बुलु शर्मा सिरपाः’ बीगु घोषणा जूगु दु ।

हिन्दूधर्म, संस्कृति व समाज सेवाय् समर्पित जुयाः नेपाली समाजय् दसु न्ह्यब्वःगु धकाः भागवत मञ्जरी राधिका दासीयात ‘नइ देरुनीख गौरव सिरपाः’ बीगु जूगु दु । निगुलिं सिरपाःया राशी म्हतिं ५० द्वः तका दु ।

अथे हे, नेपाली भाषा साहित्यया ख्यलय् समर्पित जुयाः कविता लेखन अले वाचनय् योगदान ब्युसें थःगु शैक्षिक स्तरयात नं गुणस्तरीय दयेकूगु धकाः युवराज अधिकारीयात ‘नइ देरुनीख पौैरख सिरपाः’ बीगु जूगु दु । सिरपाःया राशी २५ द्वः तका दु ।

नइ प्रकाशनया नायः इन्दिरा प्रसाईया अध्यक्षताय् च्वंगु प्रकाशनया बैठकं उगु निर्णय याःगु सदस्यसचिव नरेन्द्रराज प्रसाईं जानकारी बियादीगु दु ।

प्रकाशनं नेपाली भाषा साहित्यया उत्थानया लागिं वाङ्मय ख्यलय् थीथी प्रकाशन यायेगुया लिसें थीथी सिरपाःत नं बियावःगु दु ।

Detail page ad