arin JS
Home page Ad

यलय् निक्वःगु गुडविल मार्केट जुइगु

Jheegu Sah – विजनेस ब्यूराे,    २०७७ चैत्र ३०, सोमबार    वर्गीकृत अर्थ

नेपाली उत्पादनया बजार थकायेगु आज्जुलिसें यलय् निक्वःगु गुडविल मार्केटया ग्वसाः ग्वइगु जूगु दु ।

म्हसिका एजुकेसन एण्ड इन्टरटेन्मेन्टया सहकार्यय् यलया कनिबहालस्थित होटेल गुडविलं स्वदेशी उत्पादनयात लक्षित यासें निक्वःगु मार्केटया ग्वसाः ग्वयेत्यंगु खः ।

२०७८ बैसाख ४ गतेया दिनय् गुडविल होटलय् निक्वःगु गुडविल मार्केट ज्याझ्वः जुइत्यंगु खः ।

मार्केटय् थीथी स्थानीय उत्पादनया लिसें नसा ज्वलंया स्टल तकं दइ । अथे हे, बुद्धिष्ट आर्ट ग्यालरीया चित्रकला ब्वज्या नं जुइगु जूगु दु । थुकिया लिसें थीथी मनोरञ्जनात्मक न्ह्यब्वयात ज्याझ्वलय् दुथ्याइगु ग्वसाः खलकं न्ह्यथंगु दु ।

बि.सं. या न्हूदँ २०७८ न्ह्याइगुलिसें स्वदेशी उत्पादनयात छ्यलाबुलायात थकयाः उत्पादकयात हःपाः बीगु आज्जुं गुडविल मार्केटया ग्वसाः ग्वयेत्यनागु ग्वसाः खलकं न्ह्यथंगु दु ।

ज्याझ्वलय् नेपाल हस्तकला महासंघ, ललितपुर उद्योग वाणिज्य संघ व ललितपुर हस्तकला महासंघया ग्वाहालि दइ ।

Detail page ad