arin JS
Home page Ad

युनाइटेड नेवाःपाखें छत्रपाटी अस्पतालयात ग्वाहालि

Jheegu Sah – Biraj,    २०७८ जेठ २५, मंगलबार    वर्गीकृत समाज

अमेरिकाया टेक्सास राज्यया डल्लास शहरय् च्वनाच्वंपिं नेवाःतय् संगठन ‘युनाइटेड नेवाः युएसएं’ छत्रपाटी निःशुल्क चिकित्सालय अस्पतालयात आर्थिक ग्वाहालि याःगु दु ।

कोभिड विरामीया निःशुल्क उपचार यायेत धासें १५ लाख ६३ हजार ८७५.९० तकाया ग्वाहालि ब्यूगु खः ।

अस्पताल परिसरय् युनाइटेड नेवाःया नायः महेन्द्र मानन्धरं चिकित्सालयया नायः डा. मनोजमान श्रेष्ठयात ग्वाहालि धेबाया चेक लःल्हानादिल ।

व झ्वलय् युनाइटेड नेवाःया नायः महेन्द्र मानन्धरं कोभिडया विरामीतय्त निःशुल्क सेवा बियाच्वंगु नेपाःया संस्थायात ग्वाहालि याये दयाः थःपिं लय्ताःगु खँ कनादिल ।

अथे हे उपाध्यक्ष शैलेन्द्र मानन्धरं अमेरिकाय् च्वंपिं नेपाःमितय्सं थःगु देय् लुमंकाः फु कथं ब्यूगु ध्यबा मुंकाः नेपाः छ्वयाहयागु धयादिल । वयकलं भविष्यय् नं माल धाःसा थुकथंया ग्वाहालि यायेगु बचं बियादिल ।

Detail page ad