arin JS
Home page Ad

हेटौडाया ब्वनेकुथिइ ‘राष्ट्रिय चित्रकला कार्यशाला’

Jheegu Sah – Bijay ,    २०७८ पौष ८, बिहिबार    वर्गीकृत पुलुपालु

बागमति प्रदेशया राजधानी  हेटौंडा १८, हर्नामाडी च्वंगु श्री ज्योति माध्यामिक विद्यालयया ५५ औं स्थापना दिवसया लसताय्  ‘राष्ट्रिय चित्रकला कार्यशाला २०७८’ जुया च्वंगु दु ।

उगु कार्यशाला या उलेज्या या  सभापतित्व वि.ब्य.स.या अध्यक्ष हर्क रम्तेलं यानादीगु खः ।

ज्याझ्वलय् मूपाहाँ कथं हेटौडा वडा  १८ या वडाध्यक्ष अनिल कुमार बानिया झायादीगु खःसा पाहाँ कथं प्रध्यानाध्यापक जयराम थापाया नापनापं  रविन्द्र बहादुर सुर्खेती, तेज कुमारी न्यौपाने, विमला विसुंके, कुशुम थामी, जीत ब. राना झायादीगु खः ।बुधबार निसें न्ह्यागु ‘राष्ट्रिय चित्रकला कार्यशाला’ न्यान्हुतक न्ह्याइ । 

कार्यशालाय् स्थानीय व राष्ट्रिय स्तरया नांजापिं कलाकार पिनिगु उल्लेखनिय ब्वति दुउगु खँ विद्यालय व्यवस्थापन समितिया अध्यक्ष हर्क रम्तेलं कनादिल । कार्यशालाय् स्थानीय कलाकार लक्ष्मण भुजेल, चिरञ्जीवि श्रेष्ठ, सुजन राई, करिष्मा जोशीया नापनापं मोरंगया  कुन्तीश्री थापा , निलम भुर्तेल  व नम्रता सिंह मोरंगया नापनापं ख्वपः या भुषण दुलाल  यलया मुना भडेल , तारा तामाङ , पृथ्वी श्रेष्ठ ,  येेँया  राजन पन्त  नुवाकोटया उध्दव रिमाल , रोशन भण्डारी , रौतहटया   राजन काफ्ले , धनकुटाया  मेख लिम्बुया नं ब्वति दुउगु खः  ।

उगु ब्वनेकुथिं ईलय्ब्यलय् कला लगायतया अतिरिक्त क्रियाकलापया ग्वसाः ग्वया वया च्वंगु दुसाः थगुने  मुर्तिकला थुगुसिइ  चित्रकला कार्यशाला याना ललितकला पाखे युवा पुस्ताया नुगः त्याकेगु खँ रम्तेलं कनादिल ।

Detail page ad