arin JS
Home page Ad

हिदान याइपिन्त हःपाः ज्याझ्वः

Jheegu Sah – Bijay Ratna ,    २०७८ फाल्गुण १०, मंगलबार    वर्गीकृत पुलुपालु

द शाक्य फाउन्देशन नेपालया ग्वसालय् व नेपाल रेडक्रस सोसाइटी गण बहाल उपशाखाया ग्वाहालि व नेपाल रेडक्रस सोसाइटी ब्लड ट्रान्समिशन सर्भिसया प्रविधिक ग्वाहालिइ  हिदान याइपिन्त उत्प्रेरणा ज्याझ्वः वंगु शनिवाः थनया यंगालय् याःगु दु ।
उगु ज्याझ्वलय् ज्याझ्वःया बारे  न्ववासे गणबहाल शाखाया नायः अमृत नारायण मानन्धरं हिदानया उपादेयता बारे कनादीगु खः । थुकथं हे उगु ज्याझ्वलय् ज्याझ्वःया सभानायः व द शाक्य फाउन्डेशन नेपालया नायः राजकाजी शाक्यं ज्याझ्वःया ग्वसाः ग्वये माःगु बारे खँ तयादीगु खः ।
  उगु ज्याझ्वलय् डा.अनिता प्रधान शाक्य, विमला मानन्धर, डा. मनिता राजभण्डारीपिन्सं नं थःथःगु नुगः खँ तयादीगु खः । वयकलं थःगु खँ कनेगु झ्वलय् हि धैगु मानव जीवनया निंतिं गुलि आवश्यक धैगु खँय् विशेष बः बियादीगु खः । नापं हिया अभावं याना मनूया प्राण तकं वनिगुलिं मनूया जीवन बचे यायगु आधार हे हि जुयाच्वंगु दु धासें हिदान यायगु धैगु गुलि तःजिगु ज्या खँ धकाः नं कनादीगु खः । 
 
 
Detail page ad