arin JS
Home page Ad

हास्य कलाकार राजाराम पौड्यालं शुरु यात युट्युब च्यानल

Jheegu Sah – Bijay Ratna ,    २०७८ श्रावण १२, मंगलबार    वर्गीकृत मनोरञ्जन

हास्यअभिनयया ख्यलय् नांजाम्ह कलाकार राजा राम पौड्यालं थःगु हे छगू युट्युब च्यानलया छगू अौपचारिक ज्याझ्वः दथुइ शुरु याःगु दु । थःगु हे नां तया खोलेयाःगु युट्युब च्यानलय् राजाराम पौड्यालं थःम्हेसिनं हे निर्माण याःगु चिहासंकिपा " हिंग" या क्यनेज्याया  नं शुरु याःगु दु  । अभिनेता पौड्याल थःम्हेसिनं हे च्वयातगु बाखनय् दयेकातःगु चिहासंकिपा " हिंग"  निर्देशन आर्यम नकःमिं खः । " हिंग" या क्यामेरामाएन व सम्पादक सोहन मानन्धर खः । थुके राजा राम पौड्याल ,आर्यम नकःमि व सपना शर्मां अभिनय यानादीगु दु । युट्युब च्यानल व चिहासंकिपा " हिंग" क्यनेज्या न्ह्याकुगु ज्याझ्वलय् हास्य विधाय् तसकं नांजाम्ह कलाकार सन्तोष पन्तया नापनापं हास्य विधाय् हे नांजापिं किरण के सि , जितु नेपाल , शिवहरि पौड्यालया नं विशेष उपस्थिति दुउगु खः । उगु ज्याझ्वलय्   नेपालीका लागि नेपाल अभियानया डा रामप्रसाद उप्रेती , डा सुरेन्द्र भण्डारी व बालकृष्ण न्यौपानेया नं विशेष उपस्थिति दुउगु खः ।  ख्यालि न्हिलां जाःगु " हिंग" चिहासंकिपाय् थौंया राजनीतिक व सामाजिक परिस्थितियात कया दुग्यंक व्यङ्ग्य यानातःगु दु । 

Detail page ad