ayutahuti
Home page Ad

स्वम्ह मिसा पत्रकार सम्मानित

Jheegu Sah – झीगु सः,    २०७८ फाल्गुण २२, आइतबार    वर्गीकृत राष्ट्रिय

नेवाः पत्रकार राष्ट्रिय दबू मिसा विभागया ग्वसालय् ११२क्वगु अन्तर्राष्ट्रिय नारी दिवसया सन्दर्भय् आइतबार  " सन्चार जगतय् मिस्त " विषय यात कया छगू  तःजिगुु ज्याझ्वः जुउगु द ।उगु ज्याझ्वलय् वरिष्ठ पत्रकार मिसा सुभेच्छा बिन्दुं मू खँ तयादीगु खः ।
 
उगु ज्याझ्वलय् स्वम्ह मिसा पत्रकारतयेत  सम्मानित याःगु दु । थथे सम्मानित जूपिं स्वम्हय् छम्ह मन्जु बज्राचार्य , मेम्ह पुर्णिमा शाक्य डंगोल खःसा छम्ह अनिता गुरुङ खः ।
 
वयक स्वम्हेसित वयकपिन्सं सन्चार ख्यलय् ताः ई न्ह्यवंनिसें याना वया च्वनादीगु योगदानयात लुमंकुसे सम्मान यानागुखँ  ग्वसाः कजि रचना श्रेष्ठं कनादिल ।
 
ग्वसाः कजि रचना श्रेष्ठया सभानायसुइ सम्पन्न जूगु उगु ज्याझ्वलय् येँ महानगरपालिकाया मेयर विद्या सुन्दर शाक्य मूपाहाँ कथं झाया दीगु खः ।
 
विशेष पाहाँ कथं उपमेयर हरिप्रभा खडगी, मधेशी पत्रकार समाजया नायः मोहन सिंह , नेपाल पत्रकार महासंघया न्वकु बाला अधिकारी पाहाँ कथं ब्वति कयादीगु खः सा ज्याझ्वलय् नेवाः पत्रकार राष्ट्रिय दबूया सल्लाहकारपिं रमेश काजी स्थापित, विजयरत्न असंबरे व किरण शाक्यया नं विशेष ब्वति दुउगु खः ।  ज्याझ्वलय् मूपाहाँ मेयर शाक्यं हनापौ लःल्हाना दिलसा  विशेष पाहाँ खडगी श्रेष्ठं दोसल्लां न्येका दीगु खः ।ज्याझ्वलय् केन्द्रीय सचिव प्रेरणा शाक्यं लसकुस न्वचु तयादीगु खःसा दबूया केन्द्रिय नायः सुरजबीर बज्राचार्यं नेपाःया पत्रकारिता ख्यलय् नेवाः पत्रकारतयेगु उपस्थिती व स्थीतिया खँ न्ह्इब्वयादिल । 
 
ज्याझ्वलय् पत्रकार राष्ट्रिय दबूया केन्द्रिय कार्यसमितिया पदाथिकारीपिं, सचिवालय दुजः पिं , सल्लाहकार लगायतं येँ, यल, ख्वप व काभ्रे जिल्लाया नायःपिनिगु नं उपस्थिति दुउगु खः । 
Detail page ad