arin JS
Home page Ad

स्वनिगःव्यापि पञ्चाभिषेक रूद्री क्वःचाल

Jheegu Sah – Bijay Ratna ,    २०७९ श्रावण २७, शुक्रबार    वर्गीकृत तजिलजि

 
      राजोपाध्याय समाजया ग्वसालय् स्वनिगः या स्वंगुलिं शहरय् जुया च्वंगु पञ्चाभिषेक रूद्री धार्मिक अनुस्थान तःजिक क्वचायेकुगु दु ।
 
राजोपाध्याय समाजं दच्छितक लय् लय् पतिकं यें , यल व ख्वपय् छन्हूं हे छगु हे इलय्  पञ्चाभिषेक रूद्री यानावयाच्वगु खःसाः वंगु मंगलबाः येंया मखनय् दुगु महिन्द्रेश्वर महाद्यःथाय् झिनिक्वगू रूद्राभिषेक विशेष ज्याझ्वः यानाः दच्छिन्यकं जूगु ज्याझ्वः क्चायेकूगु खः।
 
स्वनिगःया स्वंगुलिं शहरया स्वीन्याम्ह राजोपाध्याय् बाज्यापिंपाखें थीथी पूजापाठ यानाः पंचाभिषेक रूद्री क्वचायेकूगु खः। १०८ कलश यात्रापाखें शुरू याःगु ज्याझ्वलय् ११ म्ह राजोपाध्याय बाज्यापिंपाखें  लघु रूद्राभिषेक, ९ म्हपाखें नवचण्डीलिसें शिव पञ्चाङ्ग व १० द्वःया ल्याखँय् अयुताहुती यज्ञ याःगु खः।
 
पंचाभिषेक रूद्री क्वःचायेकेगु ज्याझ्वलय् संस्कृति तथा नागरिक उड्यन मन्त्री जीवनराम श्रेष्ठं येंया ओमधरानन्द राजोपाध्याय् मुंकादीगु कान्तिपुरया रूद्राभिषेकपद्धति नांया सफूया पितब्वज्या यानादीगु खः।
 
कोरोना महामारीपाखें मुक्तिया कामनालिसें सकारात्मक उर्जा व स्तोत्र, मन्त्र, वेद पाठपाखें पिहाँवइगु सकारात्मक उर्जां नकारात्मक भाइरसया अन्त्य जुइगु विश्वास कयाः न्ह्याकुगु  पञ्चाभिषेक रूद्री थगुनेया श्रावण १२ गते शुरु याःगु खः। येंया मखनय् दुउगु महिन्द्रश्वर महाद्यः, यलया मंगया विश्वेश्वर महाद्यः व ख्वपया टौमढी तिलेश्वर महाद्यया थाय् लय् लय् पतिकं रूद्रीपाठ जुयाच्वयाच्वंगु खःसाः मंगलबाः थ्व धार्मिक अनुस्थान तःजिक क्वःचायेकूगु खः।
Detail page ad