arin JS
Home page Ad

सुरेन्द्र तुलाधरया म्ह्याय् नं हिरोइन जुल

Jheegu Sah – Bijay R,    २०७८ आश्विन ३१, आइतबार    वर्गीकृत मनोरञ्जन

नेपालभाषाया कला व संकिपाख्यलय् नांजाम्ह संकिपामि सुरेन्द्र तुलाधर या म्ह्याय् इभेन्जिला तुलाधर नं थ्वहे ख्यलय् थःगु पलाः न्ह्याकुगु दु । वयक मयजुया न्हापांगु पलाः कथं पिदंगु बल्छि तया जिगु मन बोलया म्येया म्युजिक भिडियो मोहनीया लसताय् कुछीभ्वय् खुन्हु पितब्वज्या याःगु खः ।
कोरोनाया जोखिमयात ध्यानय् तया म्होजक मनूं दथुइ जुउगु उगु भिडियो पितब्वज्या नांजाम्ह संकिपामि सुरेन्द्र तुलाधर या सभानायसुइ जुउगु खः । ज्याझ्वलय् यल वडा १६ या वडा अध्यक्ष नांजाम्ह म्येच्वमि निर्मलरत्न शाक्य मूपाहाँ कथं झायादीगु खःसा नेपालभाषाया न्हापांम्ह म्युजिक भिडियो निर्देशक विजयरत्न असंबरे विशेष पाहाँ कथं झायादीगु खः ।
ज्याझ्वलय् मन्जिल शाक्यं लसकुस न्वचु तयादीगु खःसा उगु म्येया मोडल इभेन्जिला तुलाधर व  किरण जोशी , म्येहालामि सिद्धार्थ बज्राचार्य व रेजिना बज्राचार्य, म्येया च्वमि प्रकाश दिप श्रेष्ठ , लय चिनादीम्ह सुरेन्द्र श्रेष्ठ, थ्व भिडियो या निर्देशक विश्वास बज्राचार्य , हुलाप्याखं स्यनामि राजिप बज्राचार्य, समाः पुजा शाहीपिन्सं नं थःथःगु नुगःखँ तयादीगु खः ।
ज्याझ्वलय् विशेष पाहाँ असंबरें थ्व ख्यलय् पलाः न्ह्याकादीम्ह तुलाधर मय्जुया पलाः तालायेमा धका भिंतुना दिलसा मूपाहाँ शाक्यं थ्व ख्यलय् ज्योति म्युजिक या न्ह्याना च्वंगु पलाः या प्रशंसा यानादिल । सभानायः तुलाधरं थः म्ह्याय् थुलिग्यंम्ह कलाकार धका मसिउ तर वयागु टेलेन्ट खंका बल्छि तया जिगु मन म्ये पुचलं प्रतिभा न्ह्यब्वयेगु ह्वता बिउगुलिं लसता प्वंकादिल ।उगु म्येय् इभेन्जिला तुलाधर फिमेल लिड जुया म्हितादीगु दुसाः वयक या नाप किरण जोशी मेल लिडय् म्हितादीगु दु । सिद्धार्थ बज्राचार्य व रेजिना बज्राचार्यं हालादीगु थ्व म्येया च्वमि प्रकाश दिप श्रेष्ठ खःसा लय चिनादीम्ह सुरेन्द्र श्रेष्ठं खः ।
थ्व भिडियो या निर्देशक विश्वास बज्राचार्य , हुलाप्याखं स्यनामि राजिप बज्राचार्य, समाः पुजा शाही ,सह निर्देशक मन्जिल शाक्य , छ्याय्फ्वायकःमि अक्रिस्ट शाक्य, क्यामेरा अभिषेक शाक्य, मूकिपालुमि बिजनराज बज्राचार्य खः ।
Detail page ad