arin JS
Home page Ad

सिनाज्या म्येया म्युजिक भिडियो पितब्वज्या

Jheegu Sah – Bijay Ratna ,    २०७९ आषाढ ९, बिहिबार    वर्गीकृत मनोरञ्जन

 
   नेपालभाषाया संगीतख्यलय् छपाः न्हूगु ख्वापाः जुया पिलूवःम्ह म्ये च्वमि सुरेन्द्र महर्जनं च्वयादीगु  सिनाज्या म्येया म्युजिक भिडियो बुधबार छगू ज्याझ्वःया दथुइ पितब्वज्या जुल ।
 
नेपाल मजदुर किसान पार्टीया केन्द्रिय छ्यान्जे सांसद प्रेम सुवालं मूपाहाँ कथं उगु म्युजिक भिडियो पितब्वज्या यानादीगु खः । वयकलं थः नं छम्ह किसान जुउगुलिं थ्व म्येया प्याखनं थःयात बाँलाक सालाकाःगु खँ कनादिल । थौंकन्हेया राजनैतिक लकस स्यनावना च्वंगु दु धका धासे थ्व म्ये प्याखनं झीसं बुँ ज्या यायेत बुँ लयंकातयेमाः धका सन्देश बिउगु नं बाँला धका धयादिल ।
 
ज्याझ्वलय् लोककवि राजभाइ जकःमिं म्येया थीथी पक्षयात दुवाला दिल । म्ये च्वमि सुरेन्द्र महर्जनं च्वयादीगु थ्व म्येयात शिव शाहीं लसय् हनादीगु खः ।
 
  शिव शाही व रत्नशोभा महर्जनया  दिपक महर्जन ,रुपा प्रजापति,मैंंया प्रजापति, सरिता सिन्चुरी , सिरपा खडगी व भुपेन शाक्य पिन्सं हालादीगु थ्व म्येया प्याखनय् मंगलदेवी महर्जन,दिपक महर्जन, शान्ता प्रजापति, सुरेन्द्र महर्जन,  शान्तराज महर्जन,मैया महर्जन, स्वर्णिमा प्रजापति, बनि महर्जन , मदन श्रेष्ठ , शिला प्रजापति,मेरिका प्रजापति  लगायत आपालं कलाकारपिन्सं अभिनय यानातःगु दु । सुरेन्द्र महर्जनया हे निर्देशनय् तयार जुउगु थ्व म्युजिक भिडियो या सम्पादक व क्यामेरामाएन राजेन्द्र डंगोल खः ।
Detail page ad