arin JS
Home page Ad

सिद्दिदास नसंचा म्येया लिरिकल भिडियो पिदन

Jheegu Sah – Bijay Ratna ,    २०७९ भाद्र १८, शनिबार    वर्गीकृत साहित्य

नेपालभाषाया साहित्यख्यलय् प्यंगःथां धका कयातःपिं प्यम्ह मध्ये छम्ह कवि गुरु सिद्दिदास महाजु बूगु दिनयात लुमंका जनकवि दुर्गालाल श्रेष्ठं रचना यानादीगु नसंचा म्ये "थौंया दिन कवि गुरु सिद्दिदास बूगु रे” या खँग्वः ब्वया संकिपा यानिकी लिरिकल भिडियो या छगू ज्याझ्वः दथुइ पितब्वज्या जुल ।
 
कवि गुरु सिद्दिदास या जन्म ने सं ९८७ ञलागा दुतिया खुन्हु जुउगु खः । नेपालभाषा साहित्यख्यःया छगः ज्वाल्ल थीगु नगु कथं म्हसिका वया च्वनाम्ह कवि गुरु महाजुया बुदिंया लसताय् नेपालभाषा मंका खलःया ग्वसालय् दँय्दसं नसं चाहुलेबले हालावया च्वंगु "थौंया दिन कवि गुरु सिद्दिदास बूगु रे” म्येया लिरिकल भिडियो या पितब्वज्या वंगु शुक्रबार ओमबहाःया आलुपालु रेष्टुराँँय् जुउगु खः ।
 
थ्व पितब्वज्या मंका खलःया दुजः ज्ञानेन्द्र  मानन्धरं यानादीगु खः । थ्व भिडियो दयेके ज्या पवित्र कसाःजुं यानादीगु खः । अथेहेतुं थ्व भिडियो कायेगु ज्या पवित्र कसाः व राजेश डंगोलं यानादीगु खः ।
 
प्लाटिनम स्टुडियोया सम्पूर्ण मान ताम्राकारं रेकर्ड यानादीगु थ्व म्येया निंतिं जिवित जल्मीं बाजं ग्वसाः ग्वयादीगु खः । पवित्र कसाः,दिपा महर्जन,अमोघवीर बज्राचार्य,सिद्दार्थ शाक्य,अनु शाक्य,सोनिका मानन्धर व निभा डंगोल ,उजं शाक्य पिन्सं थ्व म्येहालादीगु खः ।उगु लिरकिल म्ये पबित्र कंसाकार या युट्युबय् स्वयेदइगु खँया जानकारी नं पितब्वज्या ज्याझ्वलय्  बिउगु दु ।
 

Detail page ad