arin JS
Home page Ad

साहित्यकार रितादेवीया निगू सफू पिदन

Jheegu Sah – Bijay Ratna ,    २०७८ मङ्सिर ९, बिहिबार    वर्गीकृत साहित्य

नेपालभाषाया साहित्य ख्यःयात थपू यायेगु झ्वलय्  बुधबार साहित्यकार रितादेवी प्रधानया निगू सफू तापालय् थ्वःगु सः बाखं मुना व फय् वःगु लँय् हाइकु मुना सफूया पितब्वज्या जुउगु दु ।

वाङमय शताब्दि पुरुष अतिविशिष्ट संस्कृतिविद् सत्यमोहन जोशीया प्रमूख मूपाहाँसुइ सम्पन्न उगु ज्याझ्वः नेवाः हाइकु ख्यः व सिर्जना अभियान समाज या ग्वसालय्  जुउगु खः ।

नेवाः हाइकु ख्यःया नायः सुरेश प्रधानया सभानायसुइ जुउगु सफू पितब्वज्याय् दिलबहादुर चित्रकार तुयु पुं , पुर्णकाजि ताम्राकार , डा पुष्पराज राजकर्णिकार , ध्रुब मधिकःमिं, शाक्य सुरेन पिन्सं साहित्यकार रितादेवी प्रधानया निगू सफू तापालय् थ्वःगु सः बाखं मुना व फय् वःगु लँय् हाइकु मुना सफूयात कया नुगःखँ तयादीगु खःसा ज्याझ्वलय् अन्तर्राष्ट्रिय नेपाली साहित्य समाज या गीता खत्रीं नं नुगःखँ तयादीगु खः ।

साहित्यकार मयजु पुर्णिमा शाक्यं लसकुस यानादीगु उगु ज्याझ्वलय् सफूया च्वमि थौंकन्हे अमेरिकाय् च्वना च्वंम्ह साहित्यकार रितादेवी प्रधान मयजुं भर्चुअल माध्यमं थःगु नुगःखँ तयादीगु खः ।

Detail page ad