arin JS
Home page Ad

सच्छि व खुम्ह दुजः दुथ्याका न्हूदँ समारोह ११४३ दुजः समितिं निंस्वन

Jheegu Sah – Bijay Ratna ,    २०७९ आश्विन १०, सोमबार    वर्गीकृत राष्ट्रिय

  नेपाल संवत राट्रिय न्हूगु दँ समारोह समितिं ११४३ निस्वनेग नितिं  सोमवाः येँया नेपाः ब्याकेटय् छगू ज्याझ्वःया दथुइ १०६ म्ह दुथ्याःगु न्हूदँ समारोह ११४३ दुजः समितिं निंस्वगु दु ।
 
समारोह समितिया कार्यविधि कथं थौं थथे थीथी खलः पुचःया भेलां ११४३ दुजः समितिं निंस्वगु खः । थथे ११४३ न्हूदँ न्यायेकेगुनितिं निंस्वगु न्हूगु  दुजः समितिं कन्हय् मुज्या च्वनाः नेपाल संवत राट्रिय न्हूगु दँ समारोह समितिं ११४३ या न्हूम्ह नायः ल्यइगु जुगु दु । थौ जुगु भेलाय् न्हूदँ समारोह समिति ११४२या नायः नीरञ्जन रत्न शाक्यया सभापतित्वय् जुगु खः । नायः शाक्य ११४२ न्हूगु दँय् दच्छि यकंसमारोह समितिं याःगु दच्छि यकंया ज्याया प्रगति बिबरण न्ह्यब्वयादिगु खः ।
 
अथेहे उगु ज्याझ्वलय् न्हूदँ समारोह समितिया सल्लाकार समितिया कजि तीर्थराम डंगोल,सल्लाकार सुरेन्द्रबीर मालाकार ,नेपालभाषा मंकाः खलःया दांभरी गणेश सायमी, नेवाःदेय् दबूया न्वकू लिसें समारोह समितिया ब्यबस्थापन पुचःया दुजः उमेश स्थापित, समारोह समितिया गैर नेवाः पुचःया दुजः कृष्ण कुमार अर्यालपि पाहाँकथं उपस्थित जुयादिगु खः ।
 
ज्याझ्वलय् समारोह समिति ११४२ या ल्याःचा समितिया दांभरी अमृत ताम्रकारं न्ह्यब्ययादिगु दु । अथे हे उगु ज्याभा्वलय् गणतन्त्र, धर्म निरपक्षेता , सघीयता, आदीवासी जनजाति  आन्दोनय् शहिद जूपिन्त लुमंका छगू मिनेट मौनधारण यासें वाङ्‍मय शताब्दी पुरुष सत्यमोहन जोशीया भिं उसाया कामनाया प्रस्ताव पारित यानाः ज्याझ्वः न्ह्याकुगु खः ।
Detail page ad