arin JS
Home page Ad

संगीतज्ञ अमर राज शर्मा व वरिष्ठ तवला बादक राजु अग्रवालयात विशेष सम्मान

Jheegu Sah – Rajeev Rajopadhyaya,    २०७९ भाद्र २७, सोमबार    वर्गीकृत मनोरञ्जन

स्वर साम्रागी अरुणा लामाया लुमन्ती वंगु सनिवाः राष्ट्रिय नाचघरय् अरुणा लामा सम्झना साँझ २०७९ ज्याझ्वः जूगु दु । नेवाः साधना कला केन्द्रया ग्वसालय् जूगु थुगु ज्याझ्वलय् भाजु प्रकाश साय्मी मूपाहाँ कथं झायादीगु खः ।

नेवाः साधना कला केन्द्रया नायः सुन्दर मान श्रेष्ठ बागमती भाईया सभानायसुई   न्ह्याःगु थुगु ज्याझ्वलय् वरिष्ठ संगित कःमि संगीतज्ञ अमर राज शर्मा व वरिष्ठ तवला बादक राजु अग्रवालयात विशेष सम्मान नं यागु खः ।

केन्द्रया सचिव रोजी श्रेष्ठ डंगोल लसकुस यानादीगु थुगु साँझय् पौभाः साय्मि विश्व बल्लभ सरोज अर्याल रमेनानन्द वैद्य शुशिल सुक्ष्म दिक्षित विशेष पाहाँ कथं झायादीगु खः ।

अरुणा लामा प्रति श्रद्धाञ्जली देछागु थुगु ज्याझ्वलय् रोजी श्रेष्ठ डंगोल , सरिता शाही, कल्पना श्रेष्ठ, प्रतिमा बज्राचार्य, शुद्धलक्ष्मी श्रेष्ठ, एन्जिला सिंह, सूर्यलक्ष्मी भोमी, लजना मानन्धर, किशोर शाही, धर्म मानन्धर व सरस्वती मानन्धर पिन्सं अरुणा लामां हालातःगु म्ये हाला न्यंकादीगु खः ।

 

Detail page ad