arin JS
Home page Ad

संगीतख्यलय् जुनु श्रेष्ठया कमबाएक

Jheegu Sah – meena bajracharya,    २०७९ आश्विन १३, बिहिबार    वर्गीकृत मनोरञ्जन

     नेपालभाषाया गीत संगीत क्षेत्रय् छगू ईलय् तसकं लोकंह्वाम्ह म्येहालामि जुनु श्रेष्ठ ताः ई सुलं च्वने धुंका आः हाकनं थ्व ख्यलय् खनेदयेक वःगु दु ।
 
थ्वहे झ्वलय् उगु ईलय् वयकया तसकं लोकंह्वागु नेपालभाषाया म्ये  लुमंका च्वना जिं , जिगु नुगलय् , समा याना , मन जिगु उइं जुल म्येया नापनापं मेरो चुपचाप को अर्थ व पछ्याउँदै मेरा दिन हरु म्ये दुथ्याका " जुन ”  नांयागु म्युजिक भिडियो मुनाया पितब्वज्या याःगु दु । ज्याझ्वलय्  ख्यालिजुजु धका  नांजाम्ह मदनकृष्ण श्रेष्ठ व नांजाम्ह म्येहालामि दिप श्रेष्ठ मूपाहाँ कथं झायादीगु खः ।
 
थ्व मुनाय् जि शाह , जनकवि दुर्गालाल श्रेष्ठ , बद्रि वेदना  , सरला श्रेष्ठ व गोविन्द हिउमत लगाएतं  च्वयादीगु म्येयात गोविन्द हिउमत , दिपेन्द्र मान सिंह , अनिल शाही लगाएतं लसय् हनादीगु खः । थ्व दक्वं म्येया निंतिं जिवित जल्मीं बाजं ग्वसाः ग्वया दीगु खः । मूपाहाँ ख्यालिजुजु मदनकृष्ण श्रेष्ठं जुनु श्रेष्ठं जिवनय् सुख व दुखःया आपालं अनुभव मुने धुंकुम्ह जुगुलिं उकिया बांलागु प्रभाव वयकया सलय् वःगु दु धका धयादिल ।
 
अथेहेतुं प्रसिद्ध म्येहालामि दिप श्रेष्ठं ताः ई सुलं च्वने धुंका हाकनं थ्व ख्यलय् वःम्ह जुनुया पलाः तालायेमा धका धयादिल । ज्याझ्वलय् वरिष्ट गायिका संगीत गुरुमां संगीता राना प्रधानं जुनु या सलय् छगू कथंया  विरहभाव दु धका धासे थ्व छगू च्वछाये बहगु खँ खः धका धयादिल । ज्याझ्वलय् नेपालभाषा म्युजिक भिडियोया न्हापांम्ह निर्देशकं एवं सिने पत्रकार विजयरत्न असंबरे तुलाधर व साहित्य कला संकिपा विश्लेशक प्रकाश सायमिं पितब्वज्या जुउगु म्येयात कया समीक्षात्मक टिप्पणी यानादिल 
Detail page ad