arin JS
Home page Ad

श्रीघलय् हारति अजिमाया देगः पुनर्निर्माण जुइगु

Jheegu Sah – Bijay Ratna ,    २०७८ मङ्सिर २७, सोमबार    वर्गीकृत तजिलजि

श्रीघलय् च्वंगु हारति अजिमाया देगः आः पुनर्निर्माण जुइगु जुउगु दु । श्रीशान्तिघट बज्रधातु चैत्य महाविहार सर्वसंघ परिवारया शाक्य कुलपुत्रपिं जाना पुज्याना वया च्वंगु हारति अजिमाया देगः पुलां जुया जिर्ण जुउगुलिं आः जिर्णोद्वार याइगु जुउगु दु ।

जिर्णोद्वार यायेया निंतिं हारति अजिमा या न्यास लिकाय् माःगु व थथे न्यास लिकायेगु ज्या मंसीर २९ गते मङ्गलबार जुइगु खँ सर्वसंघया शुभकाजी शाक्यं जानकारी बिउगु दु ।

देगः जिर्णोद्वार यायेगु नितिं क्षमापुजा यायेगु  झ्वलय् वंगु मंसीर १८ गते पण्डित बौद्ध विद्वान यज्ञमानपति बज्राचार्य या नेतृत्वय् न्याम्ह गरुजुंपिन्सं सप्तविधानोत्तर पुजा याःगु खः ।

अथेहेतुं हारति अजिमाया न्यास लिकायेगु निंतिं यायेमागु पुजा व पुरुषतं च्वनेगु ज्या वंगु मंसीर २५ गते शन्चरबार निसें न्ह्याःगु दु । देलगलय् न्यास लिकाय् छन्हू न्ह्यः निर्मल तिर्थय् लः का वनिगु जुउगु दु । थ्व देगः येँ महानगरपालिका पाखें अार्थिक ग्वाहालिइ जिर्णोद्वार जुइगु व थुके श्रीघःया सर्वसंघया नं आर्थिक योगदान दइगु व मदुपिं भक्तजनपिनिगु नं ग्वाहालि दइगु खँ सर्वसंघया पुरण शाक्यं जानकारी बियादीगु दु ।

Detail page ad