arin JS
Home page Ad

शताब्दि पुरुष नापनापं संगीतकार नकःमि व विज्ञानविद् मानन्धरयात दान्यहिरा सिरपा लःल्हात

Jheegu Sah – Bijay Ratna ,    २०७९ कार्तिक २६, शनिबार    वर्गीकृत पुलुपालु

वाङ्गमय शताब्दी पुरुष सत्यमोहन जोशीयात ‘दान्यहिरा जीवंकाछी सिरपा’(लाइफटाइम एचिभमेंट)  लःल्हागु खः
  
नेपालभाषा एकाडेमीया ग्वसालय् नेपालभाषा वाङ्गमय ख्यःया  तसकं तःजिगु एवं प्रतिष्ठित सिरपाया रुपय् कयातःगु दान्यहिरा सिरपा शुक्रबार लःल्हागु दु ।
 
पूर्वमन्त्री एवं ललितपुर महानगरया पूर्वप्रमुख बुद्धिराज बज्राचार्य मूपाहाँ कथं झायादीगु उगु ज्याझ्वः ग्वसाखलः एकेडेमीया चान्सलर यज्ञरत्न धाख्वाःया सभानायसुइ जुउगु खः ।
 
उगु ज्याझ्वलय् वाङ्गमय शताब्दी पुरुष सत्यमोहन जोशीयात ‘दान्यहिरा जीवंकाछी सिरपा’(लाइफटाइम एचिभमेंट)  लःल्हागु खःसा ‘दान्यहिरा सङ्गीत सिरपा’ संगीतकार मनराजा नकःमि व ‘दान्य
 
हिरा विज्ञान प्रविधि सिरपा’ डा. केशरीलक्ष्मी मानन्धरयात लःल्हागु खः ।  थ्व स्वंगुलिं सिरपा न्येयद्वतका  नापं हनापौ सहितया खः । थ्व सिरपाया दाता  एकाडेमीया चान्सलर यज्ञरत्न धाख्वाः खः । वाङ्गमय शताब्दीपुरुष सत्यमोहन जोशी नेपालभाषा एकाडेमीया संस्थापक खः । वयक जीवनभर एकेडेमीया निंतिं थःयात पानादीम्ह खः । अथेहेतुं  एकेडेमिइ अरनिको ग्यालरी व  नेवाः एफएम सन्चालन , नेवाः खँग्वः धुकू  (नेपालभाषा शब्दकोष) प्रकाशन थेंज्यागु ज्वमदुगु महत्वपुर्ण ज्या यानादीगुलिं वयकयात सिरपालं छायपिइगु निर्णय जूगु खँ एकाडेमीया सदस्य सचिव डा. पुष्पराज राजकर्णिकारं कनादिल ।
 
स्व. शताब्दीपुरुष जोशीया सिरपा वयकया  काय्पिं अनुराज जोशी व हेमन्त जोशी अले म्ह्याय् गङ्गा मुल्मीं लःल्हाना कयादिल । विज्ञान प्रविधि सिरपालं छायपिया दीम्ह डा. मानन्धर  नेपालय् विद्यावारिधि याम्ह न्हापांम्ह मिसा खःसा नेपालय् च्याउखेती या विकासया न्हून्हूगु प्रविधि दुतहःम्ह विज्ञानविद् खः ।
 
  ज्याझ्वलय् नाष्टया दुजः डा. दिनेश भुजु लगायतया वक्तापिन्सं नुगःखँ तयादीगु उगु ज्याझ्वलय् सङ्गीतकार मनराजा नकःमिया नापनापं रत्नशोभा महर्जन, सरिता शाहीपिन्सं साङ्गीतिक प्रस्तुति न्ह्यब्वयादीगु खः ।
 
 
Detail page ad