arin JS
Home page Ad

शखधर साख्वाः प्रतिष्ठानया अध्ययन लिसें प्रतिष्ठानया भवनया अवलोकन

Jheegu Sah – Bijay Ratna ,    २०७९ आश्विन १, शनिबार    वर्गीकृत राष्ट्रिय

        नेपाल सम्बत  न्हूदँ समारोह राट्रिय समितिपाखें राट्रिय बिभूति शखधर साख्वाः प्रतिष्ठानया अध्ययन लिसें प्रतिष्ठानया भवनया अवलोकन याःगु  दु ।
 
शनिवाः समारोह समितिया सल्लाकार लिसें पूर्व राज्यमन्त्री र्तीथराम डंगोलया नेतृत्वय् समारोह समितिया दुजःपिं प्रतिष्ठानया ज्याकू थिमिं वनाः थथे अवलोकन याःगु खः ।
 
समारोह समितिया दुजः पिन्त प्रतिष्ठानया नायः ज्ञानुराम श्रेष्ठं लसकुस यासें नेपाल सम्बतया आन्दोलनयात थपु यायेत शखधरयात कयाः अध्ययन अनुसन्धान यायेत समारोह समिति लिसे जाना मंकाः कथं ज्या याना वनेगु बिचाः प्वंकादिगु दु । अथे हे वयकलं प्रतिष्ठानपाखें आः तक याना वयाच्वंगु थीथी ज्याखँया जानकारी नं बियादिल ।
 
समारोह समितिया सल्लाकार डंगोलं नेपाल संम्बतयात राज्यं छ्येयेकेत व राज्य स्तरं धाःथे कथं सम्मान याकेगु नितिं यक्वः बःबिया ज्या यायेमानिगु धासें समारोह समिति व प्रतिष्ठानं वइगु न्हिं मंकाः कथं ज्या यायेमाःगु खँय् बः बियादिगु खः । समारोह समितिया दुजःपिन्सं शखधर पार्कया नं  अवलोकन याःगु खः ।
Detail page ad