ayutahuti
Home page Ad

शंखधर साख्वालया लोककल्याणकारी ज्यायात कया विचार गोष्ठी

Jheegu Sah – Bijay Ratna ,    २०७९ आषाढ ११, शनिबार    वर्गीकृत समाज

 
        नेपाल सम्बत् या प्रवर्तक शंखधर साख्वाःया लोक कल्याणकारी पक्षयात कयाः छगू विचाः गोष्ठी जुउगु दु।
 
  बौद्ध युवा कमिटी ललितपुरया ग्वसालय् उगु ज्याझ्वलय् न्ववासें भिक्षु कोण्डन्यं बुद्ध जुइत माःगु थीथी पारमिता मध्ये न्हापांगु पारमिता धइगु दान पारमिता खः, शंखधर साख्वालं थःगु सम्पत्तिं जनताया ऋण मुक्त यानाः दानपारमिता पूवंकूगु दु धका धयाबिज्यात।अथेहे छम्ह मूवक्ता कथं नेवाः पत्रकार दबूया पुलांम्ह नायः श्रीकृष्ण महर्जनं शंखधर साख्वालं नेपाल सम्बत् जक नीस्वंगु मखुसें जनताया सेवा यायेगु लोककल्याणकारी भावना नं स्यना थकुगु खँ न्ह्यथना दिल  ।
 
‘नेपालभाषा टाइम्स’ या सम्पादक सुरेश किरण मानन्धरं नेपाल सम्बत् बारे न्ववाना दिसे प्रचलित आपालं सिद्धान्तत मध्ये शंखधर साख्वालं जनताया त्यासा पुला बिल धइगु सिद्धान्तयात यक्वस्यां नाला काल धका धयादिल।यल महानगरपालिका ३ वडाया अध्यक्ष श्रीगोपाल महर्जन मूपाहां कथं झायादीगु ज्याझ्वः समितिया नायः सतिश शाक्यया सभापतित्वय् जूगु खःसा ज्याझ्वलय्  बौद्ध युवा कमिटी ललितपुरया पुलांम्ह नायः सुनिल महर्जनं लसकुस यासे विचार गोष्ठीया मू आज्जु धइगु नेपाल सम्बतया प्रवर्तक शंखधर साख्वाःया थीथी सुलाच्वंगु पक्ष उलेगु खः धका धयादिल ।
Detail page ad