arin JS
Home page Ad

वर्ल्ड रेकर्ड तयेगु तातुना ग्वयातःगु नेपालभाषा स्टार म्युजिक अर्वाड याकनं हे जुइगु

Jheegu Sah – meena bajracharya,    २०७९ आश्विन १३, बिहिबार    वर्गीकृत मनोरञ्जन

    संसार्स अनलाइनटिभिया ग्वसालय् जुइगु  नेपाल भाषा स्टार जिक अर्वाडया निुगुगु संस्करणया ज्याझ्वः याकनं हे जुइत्यंगु दु ।वर्ल्ड रेकर्ड तयेगु तातुना ग्वयातःगु थुगुसिया थ्व अवार्डय् ब्वति कायेया निंतिं  मुकं ८६ गु म्युजिक भिडियो  दर्ता जुउगु दुसाः थथे दुहाँ वःगु म्युजिक भिडियो ब्वति कापिन्त हनेगु न्हापांगु चरण कथं बुधबार छगू ज्याझ्वःया दथुइ ब्वतिया दसिपौ अथेधइगु सहभागीता या प्रमाणपत्र लःल्हागु दु ।

संसार्स ग्रुपया क्रियटिभ डाईरेक्टर स्वतन्त्र संसार महर्जनया सभानायसुइ जुउगु ज्याझ्वलय् यल वडा ल्याः २१या वडानायः रविन्द्र महर्जन मूपाहाँ कथं झायादीगु खः । वयकलं थ्व अवार्ड संगीत व संकिपाख्यःया छगू तधंगु सिरपा खः धका नुगःखँ तयादिल । अथेहेतुं सभानायः स्वतन्त्रसंसार महर्जनं अवार्डयाबारे थीथी जानकारीया नापनापं मोहनी,स्वन्ति नखःया भिन्तुना नं देछाना दिल । वयकलं थ्व अवार्ड यात सकसिनं क्यंगु मतिना यात सदा थगु नुगलय् म्वाका तये धका धयादिल ।

संसार्स ग्रुपया संस्थापक मयजु प्रेमहा संसार महर्जनं लसकुस न्वचु तयादीगु ज्याझ्वलय् वयकलं सकसिनं क्यंगु मतिनां थ्व सिरपा ज्याझ्वः यात छगू तःजिगु अवार्ड कथं न्ह्यःने हःगु खँ न्ह्यथना दिल ।

दसि पौ लःल्हायेगु ज्याझ्वलय् वरिष्ठ सिने पत्रकार एवं नेपालभाषाया न्हापांम्ह म्युजिक भिडियो निर्देशक विजयरत्न असंबरे, नेवाः पत्रकार राष्ट्रिय दबूया केन्द्रिय नायः सुरजबीर बज्राचार्य, नेवाः फिल्म सोसाइटीया नायः बिराजकाजी राजोपाध्याय, संकिपा व दबू प्याखं ख्यःया न्ह्यलुवा पवन जोशी , नांजाम्ह निर्देशक रामकृष्ण खडगी लगाएतया विशेष पाहाँ कथं ब्वति दुगु खः ।

Detail page ad